على الموعد ..

على الموعد ..

على الموعد بلهفه جيت لا مانع ولاتأخير
لفيت من العصر هايم مع ان الموعد المغرب

وجتني بس انا مدري شعرت الجيه هذي غير
وهي تقرب من عيوني شعرت ان الممات اقرب

وقلت: الله يهونها عسى في جيتك لي خير
انا من شفتك اقبلتي وانا خايف ومستغرب

على كثر الحكي مدري كأنه خانها التعبير
قالت لي جمل واشياء لا تكتب ولا تعرب

هدت فجأه تطالعني وانا في حاجه التفسير
لجل نحكي بهدوء اكثر سألت الحلوه وش تشرب

فصاحت بي انا احبك ولك في هالحشا تقدير
وتدري ان المثل فينا وفي احساسنا يضرب

صحيح انك وفي وانك بريء من تهمت التقصير
ولكن ذي عوايدهم من ايام وزمن يثرب

تكون البنت لأبن العم ورغبات الكبار تصير
وتدري الأقربون اولى مع انك للخفوق اقرب

وتدري للقدر كلمه لعادات الأهل تأثير
لذا ارجوك تتركني وانا من دنيتك باهرب

شعرت بحكيها كنه قصاص وامر بالتعزير
شعرت بالدنيا ضاقت بي من المشرق ليا المغرب

مشت خلت وراها طفل مايعرف وش التدبير
يحسب ان الغرام اشعار شاعر واغنية مطرب

ضحكت وماقدرت اني ألاقي لضحكتي تبرير
من اللي بوقتنا مره ضحك من لدغة العقرب

رفضت استوعب اللي صار ولا استسلمت للتغيير
ثمان سنين اجي نفس المكان بحزة المغرب

برغم ان الثمان سنين جرح وكلفتني كثير
انا لليوم اجي وادعي تجي يارب تجي يارب.




منقول لامس الاحساس
واتمنى يعجبكم

الحريصي

سلمت على اختيار هذه القصيده

الجميله التي تدل على ذوقك الرفيع

في الاختيار والطرح

تقبل اخى مرورى ومشاركتى

دمت بخير

اميره
مرور جميل زين صفحتي
شكراً لكِ
ولا تحرميني من اطلاتكِ البهيه
دمت بخير

مودتي وتقديري

الحريصي

رآآآآآآآآآآئع

أبيــــــــــــــآآآآآت رآآآئعه

سلمت أنآمل الكاتب

ولآآآآ عدمنـــآ أيآدي النآقل

الحــــــــــــريصي

ذآئقتك خــــــــــــرآآآآآفيه

جميــــــــــــــلٌ مآ ينقله أحسآسك

فـ دمت ودآآآآآآم إحسآسك الرآئع .

؛

صح احساسك الحريصي
كلمات لامست الروح
دمتَ بـِ سعاده

طــــرح رأئع وذوق رفيع

مبدع كما انت

تقديري لسموك

قصيده جميله ذا قصه وشجون آليمه
صح لسان قائلها وسلمت أنامل الناقل الذويق
راااااقت لي كثيراً بحق شكراً على روعه الأختيار