فرحة يتيم ليلة العيد ما نام ..

فرحة يتيم ليلة العيد ما نام...

فرحت لك وأنا معاليقي حطام
والصدر من ما فيه بيح كنينه

فرحة يتيمٍ ليلة العيد ما نام
خالاته .. وخواله .. مواعدينه

مواعدينه بشت وشماغ بسام
ويلعبونه .. في ملاهي المدينه

مانام .. واحلامه تحراه قدام
كنه يطول أحلامه بـ ( راحتينه )

صبحه تجلا نوره بـ عيد الاسلام
وقبل يروح المسجد : ملبسينه

جده ما بين العين والجيم واللام
خليه يافلانه .. ولا تأخرينه

تراقبه بـ / عيونها .. حب وهيام
وعيونها .. مما تكنه / حزينه

"يعرض لها الماضي مثل عرض الافلام "
لـ .. ماضي ابوه وغلاه وحنينه

يرجيه لـ ( سنين القسا ) درع وحزام
وجنبٍ على صكات بقعا يعينه

ابو ثلاث أعوام .. والا 4 أعوام
يغار منه البدر .. من كثر زينه

صلى وجاء وأمر الله اللي قضى تام
ماهوب داري عنه زينه وشينه

بشته عليه مهندمٍ خير هندام
واللي بـ / عمره كلهم محترينه

يوم اطلعو للشارع انقسمو أقسام
وأهم مافي القصه ؟ ملعبينه

تداعب رموشه ذعاذيع الانسام
ويابردها .. يوم ايبست شفتينه

و على تراب الأرض بأصبعه رسام
أما رسم له طير .. والا سفينه

العيد طعمه كان بالشارع العام
ماهوب عن رغباته .. مقيدينه

رجع ولكن فرحته ضايعه ( دام :
كلٍ مشى ) وأخذ ولده بـ/ يمينه

صاروا خواله في نظر عينه اصنام
احيوا بـ .. داخله الجروح الدفينه

ولا عنده الا أمه وناب القهر سام
جاها يبي منها اليدين الأمينه

شعوره اللي حس به مثل الإلهام
وأول سؤال في باله أبوي وينه ؟

سؤال : لكن كان مثل النبا الهام
لازال باقي في المسامع .. رنينه

جته تعدي ماهو تخطي بالاقدام
وشالته بيديها .. وحبت جبينه

أبوك جاء البارح وقبل الفجر قام
وشرى لك ألعاب ,وهدايا ثمينه

تراه حبك وأنت غارق في الاحلام
وراح لـ دوامه والشغل مرسلينه

لحظه وهو بين الحقايق والأوهام
والدمع الازرق حاير فـ .. مقلتينه

يمّه : ترى مانمت والعالم نيام
ماجاء .. ولا لمست يديني / يدينه

مدام رقمه معك من بين الارقام
بـ .. أكلمه يوم إنك تكلمينه !

طاحت ما كن آلها من الصدمه عظام
ولاعاد فيها صبر .. ولا سكينه

قالت بدون شعور وإدراك وإلمام
أبوك ! في تراب القبر دافنينه

العام مات .. ومت من موته العام
وكني بعد مامات عني سجينه

أبوك جندي للوطن ضد الإجرام
عطاك عمره دون داره ودينه



لله درك يابن فطيس
كم وصفت وأبدعت بكلماتك هذه وكم لامست جروح اوجاع دفينه ..
ارجع وأقول
لله درك يابن فطيس ...

لامست شيء ما في داخلي...


الحريصي...

العام مات .. ومت من موته العام
وكني بعد مامات عني سجينه

أبوك جندي للوطن ضد الإجرام
عطاك عمره دون داره ودينه


ياخي ....يعجبني ابن فطيس ....بقصائده البسيطة بالألفاظ ....وقوة الشاعرية

أحلا وأجمل تقييم لك يالحريصي

لك أغلا وسام شكر وتقدير

ألييييييييييييييييييييمه جدآآآآآآآآآآآآآآآآآآآآآ





الحريصي











آختيار رآئع





شكرا لك

يعطِــ’،ــيكْالعَآفيَـــةْ..

عَلَـــىْ روْعـــَــةْ الكليمات

بإآنْتظَـــآرْالَمزيِــدْ منْ إبدَآعِكْ .,
لــكْ ودّيْ وَأكآليلَ ورْديْ

ابيييات راااااااائعه


سلمت يداك اخي الحريصي

يعطيك العافية

الحريصي

سلمت يّ غ ــــــآلي وبوركت
أشكرك على روعةة الإنتقاء
لآتح ـــــرمنآإ جديدك المُميز .

تليدي وافتخر
هدوء المحيط
سمراء
الفتى الذهبي
الخيالة

عطر مروركم مازال يعبق في المكان ويعطر ارجاء المتصفح
بعثتم السرور لنفسي وانرتم متصفحي بهذا التواجد العذب
لا تحرموني هذه الاطلالة الراقية برقيكم
دمتم ودام تواجدكم في صفحاتي

لكم اعذب وأرق التحايا وصادق الود ..

الحريصي

الحريصي
أختيار جميل
يعطيك العافيه
دمت بخير