عسى الله مايطول ضيقة الخاطر على بالي...

على مفرق بدايات الجروح ودمعة المقهور
عرفت ان الزمن لا شان وجهه ماتت آمالي


أشوف الحزن ماخلا على وجه البسيطه نور
اجر الصوت واغني على جرحي وترحالي


اوسع خاطري وادري تضيق من الهموم صدور
وعسى الله مايطول ضيقة الخاطر على بالي


على كثر اتجاهات الوسيعه مالقيت عبور
اشوف الكون بعيون الجريح وغربته جالي


على كثر المواجع والأسى ياحظي المعثور
امني خاطري واضحك من همومي على حالي


اخفي بعض مافيني وبعضي لاحكى معذور
مادام العمر ماوقف على حزني ولا اطلالي


انا ماألوم اغصان الشجر لا ودعت عصفور
مادام العش ذكرى وش بقى للريح تغتالي


على حر المشاعر وش بقى يا صدري المهجور
نساك الود وعروقك جفاف(ن) مالها والي



تمادى الليل بعيون السهر يالخاطر المكسور
وانا مملك من الماضي سوى همي وغربالي


مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي


يطول الصمت ماحرك على بيض النوايا سطور
و انا مهما تناسيت الزمن لابد يطرالي

ابو رنا

يعطيك العافيه
قصيده رائعه

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي


يطول الصمت ماحرك على بيض النوايا سطور
و انا مهما تناسيت الزمن لابد يطرالي

......راقت لي كثيراً.....

أميرة.....لكِ تقديري....

وابنتظار جديدك......

باقة ورد لكِ

تمادى الليل بعيون السهر يالخاطر المكسور
وانا مملك من الماضي سوى همي وغربالي



بورك فيكِ أميرتي

لا عدمنا تميزكِ

دمتِ



هدوء

بجدقصيدة رووعه
يسلموووووووو اخت اميرة

قصيده جميله جداً
أميره لكـ خالص الود