مقتطفات شعرية

يا والله اللي دارت أحوالنا بوش
تعبت هقاوينا تعنز على ماش
شفت الخرانق قامت تعض وتهوش
والذيب قام يخش راسه وينحاش
ياخوش والله يا هل العرف ياخوش
كيف الحرير يوازن اليوم بخياش
كبدي تزغتر مر لي شفت خرفوش
يجهل ولابه حي من فعلته طاش

الامير خالد بن سعود الكبير

إن رحت ياكثرهم وإن جيت ياكثري
ضاقت بي عيونهم لو كنت وحداني
تعبت وأزريت ما مليت من صبري
ليت الذي راح مني كثر ماجاني
أحيان ودي أطيح من التعب وأزري
تشيلني عزتي وسلوم جدّاني

سعد الحريص

يا ما حسبت إن الوفا طبع الأحباب
لاشك أسقاني بهالوقت مُرّه
ماعدت اميّز بين صادق وكذاب
في هالزمان اللي كشف كل سرّه
والحبل خوّف واحدً قارصه داب
مَثَل وعشته بالزمن كم مَرّه

محمد بن فرزان

دمحت زلاته وزلاته شوي
وشليت سهم ما يخدر مساجه
من جا بلا داعي يروح مع الفي
وكلٍ يبي يذكر نبا ما يواجه
صحيح من قال العلاج آخره كي
لو شفتها في حق مثلي سماجه

عبدالله بن راجس

بعض البشر حيٍ وصيته توفـّى
وبعض البشر لو مات صيته بقى حي
واف الخصال وبالفعايل موفـّى
ما كنه إلا نجمة تشتعل ضي
ناره تاجج يوم غيره مطفـّى
تشهد له الايام والزاد والمي

بشير اللويش

الله يعافيك أخوي ابو عامر
ابيات جميله وروووعه
وروعتها من روعه ناقلها
تقبل مروري
ولك تحياتي

ابيات جميله ورااااائعه
يسلمو ابا عامر
لك تحياتي

أبيات أعجبتني كثير صح لسان قايلها

وسلمت يداااك اخي ابو عامر على النقل المميز