رمضان يجمعنا .!

بعد عمر السبعة عشر سنه انتقلت للعاصمه الرياض ولازلت..
طبعاً هنا تغيرت كل البرامج في رمضان
وتغيرت على المستوى العام
حتى الحياة تغيرت.
لكن لازلت اقدر الفله والوناسه.

في الرياض اصبحنا شباب لنا برستيجنا الخاص
يعني بدل اللعب والملاحق في الصبا
والدوريات الرمضانيه بدايات الشباب.

اصبحنا نجتمع الشله في مكان بري أو باستراحه
من بداية الشهر إلى يوم الخامس والعشرين منه
من بعد صلاة التراويح إلى بع صلاة الفجر.
نلعب بلوت نلعب كيرم نلعب طائره نلعب أي لعبه مسليه.
ونوزع الوقت بما يكفل اللعب والتسليه والسمر.

المشاركة الأصلية كتبت بواسطة الحريصـي

ياهلابكم يا حبايبنا..
يسعد صباحكم جميعاً بالخير والمسرات
بما إني مستضاف ومطلوب بالاسم
تبشرون والله بالي يرضيكم بإذن الله
منور يا أنا..... ولي ذي🌹
لكن تعذروني الليله قدها وزت
تأخرت المستضيفه وانا رجعتي كانت برضه متأخره.
نخليها بمشيئة الله بكره.
والله الخاطر اليوم ماهو رايق مو على شان الهلال
لكن معي الوالده بالمستشفى الله يشفيها ويعافيها
وودي اتطمن عليها أول وابشروا بالسوالف الزينه
إن اراد الله.
ذلحين خلونا ندور لنا لقمة سحور ونستعد لصلاة الفجر..

والله يكتب لنا ولكم الي فيه الخير.

الف سلامة للوالدة اخي الحريصي
ماتشوف شر ان شاء الله
اسال الله العظيم ان يشفيها ويطمنكم عليها ..

طبعاً اضيف انه لما انتقلت للرياض
اصبحت في النهار مشغول بالدراسه في البدايه
وبعدها في العمل.
غي الكلام السابق كان في ليالي رمضان..

الله يسلمك اختي راويه من كل شر
ويحفظك ويحفظ لك كل غالي.

برامجي حالياً كلها منزليه..
من بعد صلاة العصر إلى قبل صلاة المغرب
اقراء قرآن
نفطر ونصلي المغرب ونرجع نتقهوى
نصلي العشاء والتراويح وبعدها فيه وقت مخصص للوالده
ثم بقية الوقت مع العيال وامهم
لين يجينا السحور.
نصلي فجر وننام لين وقت الدوام
وهكذا....
يكون فيه زيارات للأهل والقرايب
فيه بعد عزايم على الإفطار يا عازمين يا معزومين.

على الفطور احرص على الشربه والسمبوسه والسلطه..

الحريصي متااابعين ...
كمل كمل .......

وبس هذا كل الي جادت به الذاكره من الماضي
والي حنا قاعدين نسويه في الحاضر
ونسأل الله الخير والعافيه
وان يرفع عنا هذا الوباء بقوته وقدرته.

والمجال الآن لكم يا اعزاء للتعليق
والي عنده سؤال انا جاهز.
وبكره بإذن الله برضه للتعليقات والأسأله
واذا ذكرنا شي اضفناه.
ويحفظكم ربي ويسعدكم جميعاً..
وذي لكم🌹

المشاركة الأصلية كتبت بواسطة ندى الجنوب

الحريصي متااابعين ...
كمل كمل .......

سعيد بمتابعتكم يا ندى..
وش تبغين بس
عندك تعليق عندك سؤال
جاهز

تذكير بسيط لي ولكم..

مهما بلغنا من الإجتهاد في العبادات
والأعمال الصالحه نظل مقصرين
لأنه لو وزنت اعمالنا كلها
مع نعمة من نعم الله علينا لرجحت نعمة الله

ولن ندخل الجنة باعمالنا مهما بلغت
لن ندخلها إلا برحمة الله

ورحمة الله واسعة واعظم مما نتخيل.

قال تعالى :
( قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ).

نسأل الله حُسن الختام، وأن يردنا إليه رداً جميلاً
ويرحمنا برحمته التي وسعت كل شيء.

احبتي.. قال تعالى :

{هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ}

هو الأوّل في سماعِ لهفتنا
الأوّل إلى تسكين مخاوفِنا
الأوّل دومًا لإجابـة دعواتنا
الأول دوماً لتفريج همومنا.


{.. وَهُوَ مَعَكُمْ أَيْنَ مَا كُنتُمْ ۚ..}

معنا في حلنا وسفرنا
في آهاتنا وأحزاننا
في فرحنا في منامنا في سقمنا
طوال عمرنا الله معنا.

اللهم لكَ الحمد على فضلك ..

صباح الخير ارجوه لكم جميعاً..

المشاركة الأصلية كتبت بواسطة مهاوي

هههههههه
هذي لهجه اغريقيه
مممم وش تبي واترجم لك امر بس ☺

ابي اترجمين لي



جهلتك ياالدوا لاتيت من سبلجي فاثحتني

ليتها تلتهم ماقدتقدم من عملها
هههههههههه هذا لجهة الحميريه مافهمتي تفسريها استعيني

بنسيم الجنوب

الله الله الله الله الله الله
فكرة من وحي الخيال ومجلس من احلى ما يكون
هذي فعالية لازم لها بنر مع الفعاليات
والله مشوقه مره جدا
انت شيخة الشيخات يامهاووووووي

الله عليك ي الحريصي
فكرة تدوين الاستضافه برد قليل
وتتابع الردود برد اخر صراحه رووعه.
افضل من رد واحد لكل سواليفك
افضل حتى لايصيب الأعضاء الملل من
طول الرد..

الله يعطيك الصحه والعافيه ويديم عليك
نعمائه ويحفظ الاهل والأقارب والوالده
مازلنا متابعين