ما تغيَّر شي .. لكن .. صار فاضي هالمكـان

ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه
كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))
ليه مستغرب كلامي وليـه أعطيـك الأمـان؟؟
وليه تَكْذِب في كلامك العـذر وينـك ووينـه؟؟
ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان
وإختياري كان خاطىء! تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه
قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه

صح لسانك واعتلى شانك اخي ملك
اختيار مميز ونقل جميل ..
ننتظر جديدك

حياك ربي

ياراعي الفزعه

وشكرك جزيل لشكرعلى مرورك

بارك الله فيك ويامرحبا

ومن العادين وكل عام وانتم بخير

كلمات حلوه
سلمت يدينك

اختيار جميل



ودي

مرحبا الف
قناص الجنوب
اسعدني كثير مرورك
بارك الله فيك وهلاوسهلا

مرحبا الف
الصامت

اسعدني كثير مرورك
بارك الله فيك وهلاوسهلا

كلماتها قوية جدا
وفيها بعض الواقع


هذ لحالها حكاية


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه


قصيدة جزلة استاذي الفاضل

اكتملة القصيده بكل معانيها

بحضور
الاستاذه الفاضله

عروبة وطن

اشكرك جزيل لشكرعلى تكليف نفسك رغم مشاغلك والحضور
الهذه الصفحه والقراءة للقصيده ثم قيامك بالتعليق

والرد الجميل وفقك الله وطال في عمرك صاحبة الكلام العذب
تحياتي وتقديري

ملك الشرق