أبحتفظ فيك وادري مانت نافعني

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره

ابيات في منتهى الجمال من الشاعر الكبير حمد السعيد صح الله لسانه وسلم بنانك اخي ملك على النقل الجميل والاختيار المميز .. كل الود ..

مرحبا باالطيب الغالي

راعي الفزعه

لاعدنا حضورك والتعليق الراقي
على القصيده كل لشكروالتقدير الشخصك الكريم

كلمات جميله
دمت ودامت ذائقتك الجميله

مرحبا

قناص الجنوب
ومن العادين بعد الزحمه عزالله مامن زحمه تذكر هههههههههههههه
اشكرك على مرورك بارك الله فيك وهلاوسهلا