أنا وسيارتي ..

المشاركة الأصلية كتبت بواسطة عروبة وطن

احم احم
انا جيت وخروووووووووووووووووووووووا شوي
ونقول بسم الله

في البدايه نوجه الشكر للمبدعه/ ندى الجنوب
على هذه الفكره والطرح الرائع

بسم الله نبدأ

س1 / كم كآن عمرك اول مره سقت السياره؟

ج/ ندو الحبوبة ، كان جدي يعلمنا نسوق من نحن صغار اللي يلحق يشوف من سكان السيارة يبدأ بتعليمه بغض النظر ولد او بنت ، وقتها عمري 12 ونص واختي الاكبر عني 14 كان كل اليوم العصر يعلمنا

س 2/ كم مره سرقت السياره ؟ وكم مره انكشفت وانجلدت ؟
ج/ سرقت السيارة مرتين ، مرة كان عمري 14 وابوي ما درى عني والمرة الثانية كانت الطامة الكبرى ، سرقت سيارة ابوي ، وانا ارجع للخلف عشان اصفها مكانها دعمت سيارة اخوي (اسمي هاليوم كان حفلة رعب وماانساه)

س3/ كيف كان شعورك اول مره سقت السياره ؟
ج/ شعور عادي ، الرهبة كانت يوم سقت اول مرة في زحمة سوق الرولة.
طبعا كانت المرة اللي دعمت فيها سيارة اخوي بسيارة ابوي وما كان عندي ليسن


س4/ اذا طلعت مشوار تحب تكون لحالك آو ضروري الشله تكون معك ؟

ج/ السالفة مب الطلعة ، السالفة مشاوير البيت اللي ما تخلص ، وانصح كل بنت انها لا تتعلم تسوق لأن كل طلبات البيت تصير على راسها ، وماشاء الله الشباب مخيمين في البر يومين وثلاث.

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟

ج/ السالفة مب كبر راس ، السالفة تصير انتهازية وعدم رحمة في الطلبات وتملين الطلعات من كثر طلباتهم.

س6/ مآهو نوع اول سياره سقتها ؟

ج/ سيارة ابوي رحمة الله عليه كانت رينج روفر

س7 / مآهو نوع سيارتك الان ومـآهو لونها ؟

ج/ انفنيتي نفس هذي ونفس اللون


س8/ هل يهمك لون السياره وموديلها وماركتها

ج/ كل انسان تستهويه نوعية معينة من السيارات ويفضلها على غيرها

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟

ج/ اعتقد ان البنات ما يسوون هالشي ومازال هناك تحفظ في الخليج بالنسبة لتصرفات البنات في الشارع

س10/ وين كان اول مشوآر لك؟

ج/ أول مشوار لي وصلت ربيعة امي بيتهم وكانت الوالدة معاي الله يحفظها.

س11 / كم مره سويت حادث / بعد الشر عنكم

ج/ سويت حادث واحد وكانت السيارة أفالون وتحطمت من ناحية اليسار لكن الله قدر ولطف وطحت في الكرسي اللي عدال السائق ، وتكنسلت السيارة ، ومن وقتها وانا اسوق 4 wheel

س12/ اطرف وأسوأ موقف مر بك وانت بالخط

ج/ ماسوق مسافات طويلة ولا احب الاضاءة اللي تجهر العين ، لذلك مرة وحد بس سقت لين بوظبي
لكن كل مشاوري في الشارقة او عجمان او دبي

س 13/اطول سفره لك بالسيارة ( كم كيلو )

ج/ اطول مسافة سقتها لين بوظبي
151 كيلو متر


س14/للشباب/ هل انت ضد او مع سواقة المرأة

ج/ دام للشباب يعني ماراح اجاوب

وآخيرآ / بكل صراحة كم مخالفة ارتكبت الى الان وهل سددتها ام لا ؟

ج/ كانت مخالفة مواقف على البحيرة ودفعتها في اليوم اللي عقبه

نبي حد طايش مانبي هدوء ، يلا ندو شوفي حد يفحط

ياعمري انتي.


لازم اذا جيتي ابها تمريني

بالنسبه الاغاني ما اسمع اغاني بالسياره
من الحين تريني احب الشيلات
ههههههههههههههههههههههههههه



يسعدك ربي عروبه
استمتعت وانا اقرا

ومعذره يا ندى كل شوي وانا اكتب


من جد التعليقات تهبل وتضحك بالنفس الوقت ماقدر امسك يدي لازم اكتب
ههههههههههههههههههههه

سعدت باستظافتك عروبة وطن
يبغالنا نجي ندرب بنات المنتدى عندك وعقبها تمنحينهم رخص معتمدة هههه

الله يعطيك العافية ياعسسسل ..

اي احد يشوف له نفس يركب سيارته
يتفضل يجينا بس بدون تفحيط 🤩

بالعكس ترانيم انتِ من زاد الموضوع جمالا
بمداخلاتك وتعليقاتك

لبى قلبك وشكرا لك .