المدير بالبنقالي !!

يامدير تعال !!



لاحظت من خلال تجولي بالاسواق والمجمعات واختلاطي ببعض البنغالية لإشراء بعض المستلزمات الخاصه انهم يقولون أهلين مدير تفضل ويضحكون


وأنا مستغرب ليش يقولي مدير هو يعرف عني شي يعرف اني مدير ؟؟

او عاطل عن العمل هو يعرف عن حياتي عشان يقول مدير ؟؟

لا والمشكلة انهم كلهم كل البنغالية يقولون مدير أنا فكرت فيها كثير

ولا راحت عن بالي كلماتهم (( يامدير )) وبعدها تتغير وجوههم ويضحكون ؟؟

قلت لازم اسأل عن هالكلمه واعرف معناها رحت لمكتب السالم لترجمه

قابلت استاذ باللغه هندي يترجم الأردو واللغه البنغاليه والهنديه سألته وقلت له ابي اعرف اكثر من كلمة بنغاليه ممكن تترجمها لي بالعربي ؟؟؟ وبقولك سالفتها بكل صراحه قلت له وش معنى كلمة مدير بالبنغاليه ؟؟ (( نظر فيني وضحك والله العظيم ضحك )) وقال لي لازم تعرف معناها ؟؟ قلت ايوه لازم بصراحه ضحكته زادت الشك فيني والاستغراب وانواع الافكار والتعجب وش معناها ابي اعرف لو ادفع كل اموال الدنيا ياناس وصلت مرحلة اني لازم اعرف هالكلمة من اللي شفته من البنغاليه يقولونها ويضحكون ولا ادري وش يضحكهم واللي مهبل فيني ليش كلهم متفقين على كلمة وحده .. كلمة يامدير ليييييييش ابي افهم

قلت لا والله العظيم ما اطلع لو اتهاوش معك إلين تقول لي وش معنى الكلمة ..... قال بقولك لكن لاتقول لاحد لان هالكلمة يمكن مايقصدو الشتم والسب فيها لسعوديين او زبائنهم يمكن يقول مدير من باب الأحترام لك والكلمة هذي باللغه العربيه مدير مافيها شي والمتعارف عليها ان المدير هو الشخص المسؤول له منصب وتقدير في المجتمع ،،، المهم ازعجني بكلامه وترقيعه لكلمة مدير قلت لا خلصني ترى طولت وأنا انتظرك تكلم ...


تدرون وش معنااااااااها ؟؟؟؟؟؟


كلمة مدير بالبنغاليه يعني عزكم الله (( حمــــــــااار )) لا وحمار اصلي بعد


احنا حميير عند البنغاليه لو فكرت شوي اخوي المحترم ليش يقولك اهلين مدير ؟؟


يعرفك يعرف عن حياتك هل انت مدير او وزير او طيار او مدرس او عاطل عن العمل إلخ ... لاحظو بأغلب المجمعات والاسواق والمنتنزهات اللي فيها بنغاليه اول مايستقبلك ويبي يضحك عليك يقولك على طول مدير تبي تعرف انو الكلمة هذي


يقصد فيها انك حمار مع احترامي لك رد عليه بأبتسامه او ضحكه وقوله لا انت المدير ومدييييييييير كبيييييييييير بعد .. وشوف ردة فعله شنو .. راح تشوف وجهه تغير واللي حوله اصحابه البنغاليه راح تتغير نظراتهم لك

منقول والله يقلعهم كم نسمعها منهم هههههه

من عرف لغة قوم ام شرهم ..

تُسمع كثير من العمالات
يحطون حرتهم في الناس بهذي السبة 😅

تسلم تميم لطرحك التوضيحي المميز ..

بروح استفسر زيادة من بنقاليتنا ✋🏻

استفسري وعلمينا نتأكد هذي فيها قبايل 🤨
اتابع ف اليوتيوب واحد سعودي يتكلم اردو ويدخل بينهم ويعطونه محشات وهو يضحك واخرتها يسولف معهم بكلامهم وينصدنون ويحاولن يرقعون بس ماعد تترقع هههه
فعلا من تعلم لغة قوم أمن شرهم
يسلموو ع جميل حضورك ندا

ههههههههههه لا وبعد يقولون
أنت مدير كبيييير ..!!!
هذه من المبالغة في المدح
واللي يشتري منهم مبسوط ولا هو داري😂
الحين المفروض الزبون يرد عليه ويقول مافي مدير إلا أنت
يسلموو تميم

بيجيكم الدور ف المحلات والاسواق والصناعيه اذا قدهم يقولون يامديره ههههه
بس زين علمتكم من الحين لاتصيرون مدراء عندهم زينا هههههه
يسلموو السوسن هذا التواجد والمرور الكريم

بلله شلون تميم
يعني الحين كل ما اقول كلمة مدير بتم اضحك ولا حد راح يعرف ليش اضحك
طيب ولو قلت سعادة المدير
امبيييي ... الحين شو نقول (سعادة الزعيم مثلا ، سعادة الريس... ) وال عليك تميم ترى من جد راح اضحك لو قلت كلمة مدير
الله يعين بس

المشاركة الأصلية كتبت بواسطة عروبة وطن

طيب ولو قلت سعادة المدير
امبيييي ... الحين شو نقول (سعادة الزعيم مثلا ، سعادة الريس... ) وال عليك تميم ترى من جد راح اضحك لو قلت كلمة مدير
الله يعين بس

تقولين سعادة المدير عاد هذي مشكله اكبر خليك ساكته احسن ههههه
سعدت بهذا المرور عرووبه الف يسلموو

حمدالله ما عمري لاحضت بنقالي يقولها لي او لاحد معي او اخواتي
بالعكس احنا نقوله يا مدير

اخرها اليوم بالسوق اناديه يطلع لي المقاسات
اقوله يا مدير
وش اقوله يعني ياهوه
ههههههههههههههههههه



وانا اقول ليش هو قاعد معصب ويطلع لي
الاشياء بكل عصبيه وكاني اخذ من بيت ابيه شيئا
ثمينا


اثاريني اقوله يا حمار كل شوي

هههههههههههههههه

ههههع
مدري مو مصدقه استاذ اللغه هذا إللي سألوه 😇
لا ويقولون كمان لمن نشتري منهم
شي أنت مدير كبير خخخخ
يعني حمار كبير قصده >>ياويلهم مننا خلاص
عرفنا قصدهم 😂
طبب خلاص اجل نرد عليهم
انت المدير ووحده بوحده🤣


اما الطرح هذا تحفه هه
يعطيك العافيه تميم
لاعدم

ههههههههههههههههههههههههههههههه
المعلومه جت متأخره
ههههههه
بس ياكثر ماقلناها لهم
مشكوووور ياتميم على النقل الجميل
ونترقب لجديدك

بعد البحث والتأكد من صحة المعلومه
كانت النتيجة غير صحيحة
جلست وتأكد من جالية الكيرلا والجاليه
الهنديه وجالية اقليم البنجاب والبنقلاديش

وكانت اجابتهم ان معنى حمار هو غادا بلغتهم

كماهو الحال في معنى بندر عندنا اسم انسان
وبلغتهم معناها اسم حيوان اللي هو القرد


وكل ماذكره مؤالف القصه غير صحيح



كنت هنا يوما