تعبت اقطف من عقول الخلايق لذة المعقول

كثير القول لكن النـوادر فـي كثيـر القـول
قليله يازمـان الثرثـره فـي ضجـة القايـل

تعبت اقطف من عقول الخلايق لـذة المعقـول
واحاول اعدل الدنيـا بكفـة حضـي المايـل

الا ياموج ما مرك من سمـان الكـلام اسطـول
الا وش ضيع اسطول الكـلام وحملـه الهايـل

هلك صبري على رجوى دلاله تنجـد المدلـول
اثاري اليوم يا امس المواقـف يشبهـك زايـل

الا يا هاجس حروفي ترفـق لا يجيـك ذهـول
زمانك يصدم عزوم العباره لـو لفـا صايـل

صحيح الصمت يلجم بك كلام اللاهب المشيول
ولكن لو فضحت الشيل ماوقف معـك شايـل

سنين وساحة اقلامي تسابق للسطـور خيـول
سنين وكل سطر من الـورق للشعـر متخايـل

سنيـن ولا لقيـت الا بقايـا حرفـي المقتـول
على ساحة سماع اللي بيجحـد غربتـي عايـل

سنين وغيمة افكاري تهل مـن البديـع سيـول
تهل الاسئله شتا وهي تبحـث عـن السايـل

اثاري البوح ياعمري تمـره بالسنيـن فصـول
تجرد غصنه الوارف عقب مـا كـان متمايـل

وانا ياغربة ايامـي بيجذبنـي جزيـل القـول
اذا ماشفت لـي درة كـلام يشدنـي القايـل


محمد مطلق الجربا

ايلاف ,ناطق العبيدي ,السفيره معجبون بهذا

صح لسان الشاعر وسلم بنان الناقل

لاعدمناك نادر

كل التقدير

،،

انسان نادر معجب بهذا

كل الشكر لمرورك العطر والجميل

بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك

تِسَلّمْ الأيَادِيْ على روعة الاختيار
ولآحُرمِناْ ربي منْ جَزيلِ عَطّائك
لروحَكَـ جِنآئِن وَرديهّـ..,