قصيدة ابوي بالدين شيخ وكل هرجه... معاني

انا أحمد الله يوم ربي ... عطاني
____ ابٍ تدور المرجله في عروقه


بالدين شيخ وكل هرجه... معاني
___ النجم لاضاع اهتدى في شروقه


في جبهته عزه لها العمر ... جاني
____ يا جعل يومي قبل يومه اذوقه


في جلسته هيبه.. تهز ... المباني
___ في كلمته حكمه تميز فروقه


له بتواضع صيت يملا .... مكاني
__ وله بشموخ الوان عيت تعوقه


فيه الكرم هبدان قاصي ... وداني
___ وايديه دايم للمعالي .. سبوقه


ياما عن الزلات دايم .... نهاني
___ وياما على الطولات كثف بروقه


يقول وانا ابوك هالعمر .. فاني
___ واحذر معاشر من يصيبك بعوقه


والرجل مثل العود مهما يعاني
__ يزداد طيبه مع تزايد..... حروقه


ومن لازم الايمان بيعيش هاني
___ يلقى السعد يمشي على كيف ذوقه


وافطن ترى بالعلم تبنى مباني
___ والجهل مثل الداء يعدي ... بتوقه


ولزم طريق الصبر ترقى الاماني
____ كل ما يطول الصبر تهنا .. بذوقه


واغنم ترى الايام مثل .... الثواني
_ تفوت ولانت اللي تحس .. بمروقه


احب كفه واطلب ارضاه.... عاني
___ وافديه روحي والعمر له نسوقه


انا احمد الله يوم عزز.... بشاني
____ أبـوي مـحد بالمراجل .... يفوقه

راويه ,السفيره ,ام هتان ,السعيدي ,انسان نادر معجبون بهذا

كل الورود لك

بارك الله فيك
إيلاف
مبدعه ومميزه وختيار جميل ورائع اتمنى السموك التوفيق
تحياتي وتقديري

أبيات رووعه وجميله عن الأب

يعطيك العافيه يا ايلاف
ودمتِ ودام حضورك الرآقي 💐🤍

رووووعه
ي جمال القصيده

صح لسان الشاعر
وسلم بنان الناقل

لاعدمناك

،،