صوتك يشوّق خاطري أنت بالذات
يامتصل بي من بعيد المسافات
أهلاً(ن) هلا بك يامطول غيابه
صوتك يشوّق خاطري أنت بالذات
ومثلك نُهلي به ويامرحبا به
ترحيبنا لك صدق ماهو مـراوات
وجيّتك عندي مثل غيث السحابة
ياصاحبي لو بك تضيق الوسيعات
صدورنا لك واسعات ورحابه
تلقى الوفا منا وتلقى المسرات
وتمـون ياالغالـي بليا طـلابه
الودّ باقـي بيننا حـي مامـات
وانته وانا عن بعض م إحنا غرابه
الدار دارك لو تجي كل ساعات
مافيـه قدامـك صـدود ورقـابـه
صحيح لي شغلي وعندي علاقات
مـع جميـع اصحابنـا والقـرابـه
ولكل شي عندي مواعيد واوقات
إلا أنت وقتي لك مانحسب حسابه
تعـال ياالغالـي بدون إتصالات
مجلسك وسط القلب مفتوح بابه
بقلم/ ابوخالد
|