أبكّتب جزال المفردة واجمل ألتعبير
وبختار معزوفه من الشعِر وعيونه

من إنتاج فكري والقريحة ماهو تزوير
ممنتج وبصماتي بنظمه ومضمونه

واسطر لكم من طيّب القافيه تسطير
قوافي من الجزلات وابيات موزونه

اصخر معانيها وحضّرتها تحضير
وعسى الله يُجملني بما تستحقونه

وانا في رضاكم ياهل العرف أحث ألسير
وقل كل منكم كيف حاله ووش لونه

وأقـدم تهانينا مـع الـحُب والتقديـر
على كل من شاهد قصيدي ويقرونه

عسى عيدكم عايد طوال العُمر في خير
وعسى ايامكم دايم بالأفراح مقرونه

وياأصحابي الغالين آسف على التقصير
ومنزالكم في القلب مبنيه احصونه

شعر/ابو خالد