منتديات قبائل ال تليد - عرض مشاركة واحدة - خطر الالعاب الالكترونيه على الاطفال (قصه من واقعي)

07-12-2021

اقتباس:

المشاركة الأصلية كتبت بواسطة السفيره

ايوه هذي مخاطر الاجهزه نكبت عيالنا
ان الولد مالحقت عليه بيصير عنده توحد
والله يعينها ع المعاناه..
ولدي بعدت عنه الجهاز لمن رحت عملت له كشفيه
وقالوا توحد . لأنها بتزيد ضرر.
كان طبيعي ويتكلم ؤ يستجيب الين صار عمره سنه ً ونص
وخلاص ماعاد سمعت صوته الين اربع سنين
والحين الحمد لله في تحسن بعد بذل مجهود شخصي معه
بجد نصيحتك لها راح توجري عليها لأنها صحيحه

بارك الله فيك غيمه
ودامك بهذا الوعي
لاعدمناك.
..

لا ماعليه ان شاء الله ولدك كان بيجيه توحد لكن زين انك تداركتي الموقف
انا ما عندي شهاده تربيه خاصه الا اني حمدالله عندي معلومات كافيه
عن هذي الحاله لان ولدي نفس الشي.
كان عنده طيف توحد ويكره الناس وهذا الشي اثر كثير على التعلم عنده
فصرت ملمه بالموضوع.
وحمدالله تداركت الموضوع ودخلته روضه بدايه تعبت كثير معه
الروضه ما يبغى سبب الكثير الكثير من الصراخ اذا رحت
جلست معه فتره اداوم لين ربي يسرها الحمدلله
ومعلمته بالروضه لين يومكم تتواصل معي عشانه
الحمدالله صرت اشغل له قران احيانا مو دايم
ابعدناه عن الاجهزه الالكترونيه
اشتريت له بلاي ستيشن 4 ومفصوله فيه الشبكه.
بس هو الله يحفظه صار يعرف يشغلها
واضطريت احمل كل الالعاب الحلوه ماعدا فورت نايت
والالعاب الي مو زينه
حملت له سيارات مثلا كراش مثلا العاب عاديه.
واعطيه فقط الاجازات بس الحين صيفيه. صرت اعطيه يومين ثلاثه بالاسبوع والباقي اشيله
صح انه يصيح بس كل هذا في مصلحته.

لاحضت الفرق بينه وبين ولد اختي لانهم بنفس العمر اختي صارمه مع عيالها
ومستحيل تعطيهم اجهزه

وتربيتهم صحيحه وتاسيسهم صحيح ماشاء الله
وماعندهم اي مشاكل لا حروف ولا تربيه ماشاء الله
كل ذا عشان الام ربت بشكل صحيح.
الله يعينها ويكتب اجرها ويرحم زوجها

شكرا لردك اللطيف غاليتي
شغلي لولدك قران قبل النوم وهو ينعس عشان عقله الباطن سبحان الله
يظل يستمع القرآن حتى لو نام
خصصي له غرفه عندك بالبيت له ولاخوانه تكون للعب
وفيها لوحه. وبطاقات مغناطيسيه للتعلم
كل يوم خذي كم بطاقه وعلميه لا تعلمينه اكثر من 5 كلمات عشان يقدر يدخلها في عقله ويحفظها

والله يحفظهم لك حبيبتي ويرزقك برهم.