منتديات قبائل ال تليد - عرض مشاركة واحدة - اتيكيت التعامل مع الآخرين في عدة محاااور ...حصري

04-10-2021

نقول باسم الله
المحور الأول/
المجاملة مع الآخرين ؟هل انت ممن يتبعون هذا الاتيكيت؟
وهل انت ترى أهميته؟ وماحدوده في نظرك؟؟ وهل زيادة هرمون المجامله هو نوع من النفاق الاجتماعي ؟؟؟
طبعا مافي احد بين ذا البشر مستحيل انه مايجامل والواحد يكون طيب نفس ووسيع صدر ويتعامل مع الناس ويكسبهم بقليل من المجامله المعقوله والبنائه وهو فهلا مهم لتلطيف الاجواء وتبادل الشعور الطيب بين الناس
ولكن تبقى بحدود ومتى ماتجاوزت حدودها المعقوله تصير مجامله غير محموده لانها تصبح كذب ونفاق وغش للاخرين ومثل ماذكرت متى ماتجاوزت حدودها المعقوله والمفروضه ستصبح نفاق وداء اجتماعي خطير

المحور الثاني/
السؤال عن كل شيء هل هو تعدي على حقوق الغير؟
أم هو اهتمام بمعرفتك؟؟
تعدي سافر ومن يسمح ان يتجاوزون الناس معه في المعقول والغير معقول يستاهل مايجيه والناس لها فضول دايما غي الاستكشاف والمعرفه بس في الامور السلبيه وليست الايجابيه

المحور الثالث/
من يتحدث كثيرا عن نفسه كيف تتعامل معه؟
ومن يتصدر المجلس بكامله ولا يعطي للآخرين فرصة الحديث او حتى النقاش؟؟؟؟
يقولون مادح نفسه كذاب وفعلا يوجد عينات لا اله الا الله الله معطيهم لسان ياكثر سوالفه وهذرته يدخل بك من سالفه لسالفه حتى والله تتعب واشةفه شي كويس يحيي الجلسه مثلهم
المحور الرابع/
من لا يترك فرصة الا ويتحدث عن اخر رحلاته وسفرياته وموديلاته وسياراته
وكأنه من كوكب اخر كيف تتعامل معه؟؟
عاد ذولا مشكله عويصه والله ينحرج الواحد يقول له غثيتنا حتى لو الشي الي عنده يستاهل ويتكلم عنه ماعد تتقبله وانا اقول الناس تحب تستمدح بالي تملكه لكن تمدح الي عندك وماتقبل الي عند الاخرين مشكله وبرضو اذا تجاوز المدح في الشي اصبح غثا
و ع فكره ممكن يصير مقبول بين ناس تمون ع بعض

المحور الخامس /
من لا يتقيد بالمواعيد اثناء المناسبات الاجتماعيه ؟
وصاحب الدعوة ان الزم المدعوين بالانتظار لاجل ششخص وقد يترتب على ذلك
تاخير عن موعد ؟ او ظرف خاص؟ وان استاذن احد المدعوين ...اعتبر ذلك اهانة
في عدم حضوره ومشاركته لهذه المأدبه؟؟
عاد بكيفه الحين بكروت الدعوه خاصه الزواجات اكثرهم يسجل وقت العشا وهذا المطلوب والي بيتاخر عاد بكيفه هههه الحمد لله ماعندنا مواعيد حضور للمناسبات لان مواعيدنا معروفه نسدد ونقارب مايجي صلاة العشا الا والجميع حاضرين هذا في المتاسبات العامه عاد الخاصه نحاول نجي بدري شويه تقديرا لصاحب المناسبه
اما عاد اذا تعذر صاحب المناسبه لتأخير مثلا العشا حتى قدوم احد فما يمنع خاصه اذا كان شخص مدعو حصل له ظرف وتأخر والموضوع بسيط
وبالنسبه لبعض الناس مايعذر الاخرين ان دعاهم واعتذرو فالواجب كلا يقدر دعوة الاخر او عذره مع انه المفترض تلبية الدعوه مباشره خاصه اذا كان هناك ظروف يمكن تأجيلها و ع صاحب الدعوه ان حصل اعتذار ان يقبله ولايعطي الامر اكبر من حجمه

سلمتي ويعطيك العافيه نغم موضوع فن التعامل بين الناس كبير جدا ومشاكله ومحاوره كثيره جدا وهذه الصفحه اوردت قليل من فيض ونحن ناقشنا قدر الامكان سلمتي وسلم فكرك الراقي والرائع