الموضوع: أنا وسيارتي ..
عرض مشاركة واحدة
قديم 10-25-2020   #5


الصورة الرمزية تميم
تميم غير متواجد حالياً

بيانات اضافيه [ + ]
 رقم العضوية : 1280
 تاريخ التسجيل :  Feb 2013
 أخر زيارة : منذ 13 ساعات (12:28 AM)
 المشاركات : 53,941 [ + ]
 التقييم :  2147483647
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Olive
افتراضي رد: أنا وسيارتي ..



جميل والله هذا الطرح وعاد بنا الى ماضي اقشر ههههه
نبدا ونقول
س1 / كم كآن عمرك اول مره سقت السياره؟
ج/ تقريبا ١٦ سنه

س 2/ كم مره سرقت السياره ؟ وكم مره انكشفت وانجلدت ؟
ج/ كذا مرات ع عدد الاصابع والحمد لله سلمت ونفذت بجلدي

س3/ كيف كان شعورك اول مره سقت السياره ؟
ج/ شعور ماحد قدي ومع خوف ما انساه هههه

وكم سيارة بالخط خبطت فيها 🤩
ما اذكر الا مرتين فقط الله يسامحني خاصه من الاول لليوم مايدري من صدم سيارته هههه
س4/ اذا طلعت مشوار تحب تكون لحالك آو ضروري الشله تكون معك ؟
ج/ اصلا مايحلى المشوار الا برفيق السوء معي

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟
ج/ فضول ونهم قياده في البدايه بعدها يطفش ويركد الواحد خصوصا من كثرة مشاوير اهل البيت يطلعون الي براس الواحد حتى يكره المشاوير

س6/ مآهو نوع اول سياره سقتها ؟
ج/ كابرس بوكس سيارة الوالد في عهدها هههه

س7 / مآهو نوع سيارتك الان ومـآهو لونها ؟
ج/ سوناتا ذهبيه

س8/ هل يهمك لون السياره وموديلها وماركتها
ج/ اكيد لكل شخص ميول للون سياره وماركه معينه ويسعى للجديد

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟
ج/ حينها اي والله لازم اهل الحاره يدرون اني مريت من عندهم لكن صراحه ازعاج الناس تكفي نظراتهم عند اشاره او موقف

س10/ وين كان اول مشوآر لك؟
ج/ لمحل تسجيلات ع ايامها ههههه

س11 / كم مره سويت حادث / بعد الشر عنكم
ج/ حقيقه كثير لليوم سواقتي تجيب المرض وغير آمنه

س12/ اطرف وأسوأ موقف مر بك وانت بالخط
ج/ كثير مواقف لكن اذكر قبل اطلع رخصه صادفة نقطة تفتيش فلفيت من مفرق ترابي قدامهم ع بالي بياخذني الخط الترابي عشان اتجاوز النقطه لكن غرزت وجلست حتى قرب المغرب ورجعت عندهم طلبتهم يجون يساعدوني يطلعون السياره بعد مارحمو حالتي والله بهذله ما انساها لليوم

س 13/اطول سفره لك بالسيارة ( كم كيلو )
ج/ ١٥٠٠ كيلو من الجنوب للشرقيه

س14/للشباب/ هل انت ضد او مع سواقة المرأة
ج/ نعم معد استقرو في بيوتهم غطو ع هجولة الشباب هههه

وآخيرآ / بكل صراحة كم مخالفة ارتكبت الى الان وهل سددتها ام لا ؟
ج/ كثير واخرتها حزام امان لكن الحمد لله منتظم بالسداد اسدد اول باول الله يعيني عليهم

شاكر لك ندا حسن الطرح المثير ويستاهل التفاعل سلمتي ويعطيك العافيه الف ع جميل الفكره


 
 توقيع : تميم



رد مع اقتباس