رمضان يجمعنا .!
.'
من مهاوي العتبان الى اعضاء منتدى ال تليد هل تعلمون انني احبكم حد الثماله فحبكم يجري في دمي وكيبوردي كما يجري السيل بالوادي ومن هذا المنبر ((منبر منتدى ال تليد منبر من لا منبر له)) تحسوون العباره القابعه اعلاه داخله غلط ماعلينا إنني اوصيكم ونفسي بالمنتدى خيراً المنتدى منتداكم. وانتم الاعضاء ... فكيف يسير المنتدى من غير اعضاء او كيف يفرفرش الاعضاء من غير منتدى ((حااسه اني داخله جو))😁 بالله عليكم قولولي.. كيف ((انواع الحماس))😍 الله الله بالمنتدى ((شكلي بفطس))😌 نبي اعضاء فلاويه ونبي ردود وتفاعل في كل الاقسام واهم شي مواضيعي <<امزح بدخل بالموضوع<<ماكنه بدري كل عام وانتم بخير مبارك عليكم شهر رمضان واسأل الله ان يبارك لنا فيه ويجعلنا من المغفورين وان يبلغنا إتمام هذا الشهر ونحن ومن نحب بأفضل حال.. كيفكم مع رمضان وكيف دبغ الصحون ي الدبب هذا السؤال للشنبات اما البنات كيفكم مع الكرف هالموضوع ي حبايب نبيه للسوالف وسعة الصدر وبنفس الوقت نتعمق في جوانب من حياة بعضنا البعض ونبحر الى مالا نهايه في الذكريات والزمن اللذي ولاّ .. انا عارفه ان هالتعبير اللغوي تبطون ماجبتوه ..😝 الزبده .. بستضيف عضو .. ويسولف علينا عن برنامجه في رمضان .. واجمل الذكريات المخزنه بميموري دميجته عن هذا الشهر ..؟! الاكلات اللي يحبها .. المواقف اللي مرت عليه ..! اشياء كانت برمضان وفقدها او العكس ..! اول يوم صومته برمضان كم كان عمرك .. وكيف التجربه كانت يعني هاتوا كل شي ودكم تسولفوا فيه يخص هالشهر اعتبرو هالموضوع مثل الديوانيه كلنا مجتمعين والسوالف عفويه .. ابي منكم المشاركه بالتعليق على مايكتب الضيف بالمختصر جلسه بعيده عن الرسميات والردود المتكرره ..!! عسى الفكره وصلت عقب هالهذره ..!! طيب ضيفي الاول الشنب ( تميم ) فـليتفضل مشكور بهل السبحه |
رد: رمضان يجمعنا .!
ليش كذا يامهاوي 😳
عموما بركة الشهر علينا وعليك وكل عام وانتي طيبه وطرح مدري وش اقول ووالله مدري من وين ابدا المقدمه دسمه والخاتمه صدمه ولكن ابشري وحاضرين اطرحي الي براسك واحاول اجاوب واسترسل زيك والا انتي والله يبغى لنا جوانح نلحق بسوالفك :36_1_41: عاد فطوري اليوم شي مختصر من يد بنقالي بالسوق صراحه كنت بالعمل ولكن الحمد لله مافي لاجوع ولاضما والله الصوم بالجنوب اكبر نعمه والامور طيبه |
رد: رمضان يجمعنا .!
اقتباس:
م في اسئله اصلا انا م احب الاسئله احب الواحد كذا يتكي ويسولف براحته انا كتبت نقاط بس عشان تعرفوا ايش المطلوب من طرحي هذا تكلم عن نفسك مثل م تحب مثلاً كيف برنامجك برمضان ..؟ ايش الاكلات اللي تحبها موقف بقى في ذاكرتك .. ذكرياتك ع مر العصوور بهذا الشهر << ديناصور مو ادمي هههه بالمشرمحي نشر غسيل هههههه فهمت يالدوب ولا اجيب سبوره واشرح 😁 يبيلك براد شاهي ينفض مخك 🤓 |
رد: رمضان يجمعنا .!
كما عودتينا لا يآتي منكِ الا كل إبداع
أبيات هزت الإحساس بـ عنفوان شموخها ابدعتي برسم هذه الحروف . فامتعتينا بقراءتها صح لسانكِ و سلم نبضكِ ولا عدمناَ إبداعكَ المتفرد لا تحرمينا جمال الحرف منكِ دمتي بهذا التألق وأكثر لَكِ خالص الود وَالاحترام دمتي بسعاده |
رد: رمضان يجمعنا .!
اقتباس:
الى اعضاء منتدى ال تليد هل تعلمون انني احبكم حد الثماله فحبكم يجري في دمي وكيبوردي كما يجري السيل بالوادي ومن هذا المنبر ((منبر منتدى ال تليد منبر من لا منبر له)) تحسوون العباره القابعه اعلاه داخله غلط ماعلينا قصدك هالكلام .. 😂 هذا سلك الشعور تحرك بعد صحن الكنافه بس تراه مو شِعر داخله بعرضه حجازيه ههههههه المهم نورتي يختي ترا ضيفنا تميم والهرجه سوالف واللزي منور يبئى مورينا 🥰 |
رد: رمضان يجمعنا .!
اقتباس:
اولا الله يتم لنا هذا الشهر والجميع بصحه وعافيه ويعينا فيه صيامه وقيامه ويجعلنا فيه من المقبولين صراحه رمضان السنه هذي نقول بداية خير ان شاءالله مو زي العام حجر وحرمان من الصلاه والزيارات وجو الروحانيه المعتاده في هذا الشهر البرنامج والله انه ع حسب صراحه افضل تكون اجازاتي دايما برمضان لكن السنه هذي ما الله كتب والظاهر بيتلخبط الجدول والا بالعاده نوم بالنهار حتى الظهر والعصريات هذا لازم امر السوق الرمضاني اشوف وش عندهم شي ينوكل ارجع البيت اعد الدقايق والثواني حتى يأذن وبعد التراويح دلة قهوه وتكوه ومعين من الله خير واطلع اقضي اشغالي وارجع اعد الدقايق والثواني الساعه ٤ سحور وصلاه ونوم و ع ذا الموال ومامن وجبات والله لكن الشوربه والسمبوسه طبق رئيسي عندي وعاد السحور ما اتشرط الحاصل يمشي عندي ولا اقول لا طبعا ماهنا مواقف تذكر صراحه ولكن يكفي ذكريات زمان في هذا الشهر كان كل شي له متعه خاصه مثل البرامح الرمضانيه كم كان وكان في برامج ومسلسلات لاتنسى وباقيه بالذاكره لليوم هذا شي بسيط والا السوالف ماتخلص لكن كتبت حتى تعبت وخلص البراد ويسلموو مهاوي لاطروحاتك المختلفه والمميزه دووووم |
رد: رمضان يجمعنا .!
والله جد داخله جو يا بنت عتيبه..
حسيت انك فوق المنبر والعرب يناظرونك. ماعلينا مما سبق.. وحنا والله نحبك ونعزك ونقدرك. المهم موضوعك حلو جداً جداً وانتِ احلا ومرحباً بك وبضيفك الأول الشيخ تميم. نمسي عليك يا شيخ.. ونقول لك شهر مبارك وكل عام وانت بخير انطلق.... |
رد: رمضان يجمعنا .!
اقتباس:
ايه ماعليك فاصله اسلاك مخها من الحراره والكرف في المطبخ. مسكت معاها خطابه وزي كذا.... بكره تجيك فاصله غير شكل. بس قسم أن درعمتها جميله ولذيذه وتعجبني والله بنت عتيبه.. |
رد: رمضان يجمعنا .!
يالله سولف يا شيخ تميم..
والا شكلك مصدوم من الاستضافه. |
رد: رمضان يجمعنا .!
اقتباس:
هههههههع تفوز اتعب وانا اقول رووووعه جد بسيطه وحلوه وتفتح النفس ايه مهاوي شيلي الرسميات هههع .... والله ي مهاوي بطله الفكره متواجده كل سنه بس برسميه وهاي السنه من غير تكاليف خخخ لكن روعه تعجبني هذه الأفكار والسواليف <<عاشقة الهذره 🙃🤪 .. يعطيك العافيه مها وتشكرين لهذا الحماس الغير مستغرب منك. .. المفروض نستفتح الطرح بك انتِ مو تفجعين تميم هالفجعه ههه. لكن تميم قدها وقدود 👌 .. يعطيك العافيه تميم واصل 😇👏 ..... ولو فيه تعليق او مداخله ماراح يردني الا الكيبورد 😇 .... ختم وحصريه يرفع لتنبيهات لاعدمناك. .. |
رد: رمضان يجمعنا .!
مهاوي كم المده اللي يجلسها الضيف
بالاستضافه مثلا ثلاث ايام يومين؟ |
رد: رمضان يجمعنا .!
ماشاء الله عليك مهاوي
انت زعيمة كل الفلات لكن كان المفروض نبدأ في (مهاوي ) ما علينا .. بما ان تميم تورط وجاوب ، نبي نعرف كم يوم بيستمر التحقيق والاستجواب لدى مخابرات مهاوي؟ تميم يعطيك العافية بس حاول اجاباتك تكون اطول < بيحقد عليها تميم |
رد: رمضان يجمعنا .!
كل عام وانتي بخير يامهموهه والشهر مبارك على الجميع ..
يازينك وزين طرحك يابنت العربان وكمان توصياتك عالمنتدى عجبتني قدنا مبلطين وزاحفين / 😬 اما الدبغ شغال من اول يوم الله يعين معدنا علينا وبس المواعين اكرهها كره ماصار ولا استوى ولا حطيت يدي فيها عندي بنت الحلال الله يخليها لاهلها ويحفظ الديار الي جات منها / 😹😹 انا اكركب واقلب المطبخ فوقاني تحتاني وهي تشوف شغلها معاه ههههه امس كان عندنا عزومه اهليه فطور وسحور يعني المطبخ من زمان ماصار كذا قلت يالله بساعدها شوي والله كانها من ربع الجنوب وتمسكني بيدي وتحلف مااسوي شي قالت ماما انتي روح اجلس هناك مع اخت واخو انا اسوي كل شي يالبى روحها والله اني احبها هالكينيه 🥰 بس اخاف تنتقم على اخر رمضان 😩😩 موضوعك فلاوي لاني احب المواضيع الي زي كذا مافيها تكلف ولا رسميه ولا ردود منمقه هيك على طبيعتنا الي جبلنا عليها 👌🏻👌🏻 اختيارك لتميم عجبني يستاهل خليه ينزنق ويحكينا عن برنامجه برمضان علشان نشوف شعنده ماعنده والى متى بيفطر من يد البنقالي يخي اقلب دوامك بالليل والا تقاعد وارتاح وربي بيرزقك من واسع فضله هههههههههه اهم شي ياذن المغرب وانتا في بيتك معزز مكرم وقدامك المائدة الرمضانيه وعليها كل مالذ وطاب / كتب الله اجرك ياتميم وتقبل منك صالح العمل .. وترى سمبوستي وشربتي تفووز على كل السنابس والشرب ان تبي هات العنوان وتوصلك لحدك 😋😵 نسيت نفسي واسترسلت بالهذره يالله من رخصتكم بروح اقرا قران وانتو لاتنسو كمان كل يوم جزء الله يبارك فيكم ويجعله ربيع قلوبكم .. حبيبتي مهاوي ادام الله علينا اطلالتك ومواضيعك الخنفشاريه الجميلة مثلك .. تكفين ازنقي واحدن في بالي / وخلينا نشوف شعنده 😂😂 |
رد: رمضان يجمعنا .!
اقتباس:
يااارباااه من ذا الرد موووووتني ضحك الله يستر يالحريصي لا تفصل اسلاك مخك من الجوع والعطش هههههههه :36_11_9: |
رد: رمضان يجمعنا .!
الاحترام الشخصيات البارزه يبدى بالاسم المرعب والرنان
عندما نشاهد على الشاشه او نتواجه في الطريق صدفه مع شخصيه خاصة من الرجال لنا الوجه باين لانقص في شخصية المرأة ولكن الوجه خاصه البدويه تكون برقع او نقاب لاتبين غير الحواجب لكن كلامها والمطيه التي تقلها كانت خيله اصيله او سياره فاخره اكيد عابر سبيل يوجه لها سؤال من ايت عرب وعندما ترد انا من العتبان بيردد الف مره ونعم ونعم بك وبقبيلتك العريقه دربك مفتوح الله يوفقك وتوصلي مناويك بالسلامه تحياتي وتقديري الشخصك الكريم والضيفك على قولتك الشنب تميم بالتوفيق الكما وشهرمبارك عليكما ملك الشرق |
رد: رمضان يجمعنا .!
وين التعاليل والسوالف..
وين الشنب تميم. ووين الخطيبه المفوهه مهاوي العتيبي. وين العرب كلهم.. |
رد: رمضان يجمعنا .!
تقصد ي الحريصي نسأل تميم
قبل لاينتهي وقته. خله يتواجد وترد مهاوي وتعطينا الضوء الأخضر 😇 |
رد: رمضان يجمعنا .!
اقتباس:
ايوا الله السنه هذي ربي عوضنا نحمدالله ونشكر فضله العام شوارعنا كأنها مدينة اشباح مابه احد 😫 إكتأبت وربي .. مشاء الله ع برنامجك نوم وطلعه وتعد الدقايق😁 اهنيك بصراحه دنتا عايش بالطراوه هههههه طيب بغينا والله حواديت اكتر لكن من قلت الشاهي ع النار بالبدايه ولا امدانا ناخذ الفنجال قلت خلص البراد عرفنا انك بتكروتنا هههههههه بعدين تعال اهم شي عندك شوربه وسمبوسه .!!! مدري ليه احس فيه تضليل بالمعلومه هذي 😜 شكلك كذا راعي مقلقل عصيد جريش راس مندي 😂💔 .' م قصرت ي شنب ويسلمك ربي لاخلا وعلادم 🌹 |
رد: رمضان يجمعنا .!
اقتباس:
ياشيخ انت والله مثل م قال جورج سيدهم ( رجلٌ والرجال قليلُ) يعجبني اللي يخوش معاي بالجو ويضبط الجلسه ههههه تسلم والله ي حسن ولاعدمت طلتك وتواصلك اللي احووبوه الشيخ تميم صار يرج من الصدمه يبغالوه ترصيص ههههه |
رد: رمضان يجمعنا .!
اقتباس:
اصبر بس بفصل عليك الليله ههههههه يسلمك ربي يا ابن الكرام |
رد: رمضان يجمعنا .!
ياجماعة عطو الشيخ تميم فرصىة ثانية
ترى عنده علوم وايد بس هو انصدم من المفاجأة سمعوا مني وخلوه كم يوم على المنبر ، وتشوفون العلوم |
رد: رمضان يجمعنا .!
اقتباس:
جد احب وجودك انتِ طاقه ايجابيه ربي يخليك لنا ابشري بجي واهذري عليكم ع بالكم بسكت هههههه بس ببدأ بالرووس الكبار 🥰 يعطيك الف عافيه م قصرتي والله لاعدمناك ❤❤ |
رد: رمضان يجمعنا .!
اقتباس:
تقدر تعلق ع كلامه وكذا بكره بإذن الله ضيف جديد 🌹 |
رد: رمضان يجمعنا .!
اقتباس:
بجي واسولف معاكم ويتاخذوا راحتكم بالتحقيق معاي 😀 ايوا الله علميه هالتميم خليه يجي يسولف والبراد علينا 🤓 الاستضافه يومين اشوفها كافيه سلمتِ عروبتنا حبيبتنا ♥🌹 |
رد: رمضان يجمعنا .!
اقتباس:
يازينك انتِ وانا بعد احب الناس الفلاويه اللي تحب السوالف والبساط احمدي بصراحه في رمضان والمناسبات العائليه نحتاج والله من يفزع معانا ربي يطرح لك فيها البركه ويعطيك خيرها ويكفيك شرها 😀 ترا عادي هالدعوه مو بس اذا الواحد اشترى السياره هههههه الله يديم اجتماعاتكم في خير وع خير ويجعل البيت عامر بحس اهله ابد ي ندوش خذي راحتك ع الاخر مواري ليلة استضافتك بتكون زاخره بالسوالف والعلوم الطيبه ☺ تميم هذي احدى البرقيات المستعجله تعال علمهم الى متى بتاكل من يد البنقالي وماهي الاسباب المؤديه الى ذلك 😜😂 ندوش اعطيني بس رقم سيارته واسحبه بونش هنا مين بس اللي ببالك اضيق زاويه احشروه فيها 😁😈 |
رد: رمضان يجمعنا .!
اقتباس:
ارحب ارحب والنعم بحالك ولاعليك زود يالطيب اقلط تقهوى وراك عجل .! ☺ م عليك من براد تميم المخلص .. برادنا جاهز هذا الوقت وقته بصراحه المهم تعال اعطينا م عندك عن برنامج تميم واذا فيه شي بخاطرك ودك تسأله عنه وجهز نفسك ترا بتجي ليله وتكون مكانه 😂💔 وعلينا وعليك يتبارك 🌹 |
رد: رمضان يجمعنا .!
اقتباس:
ابشر بالعلوم الزينه صووت ع تميم م عاد شفنا اصطبه من البارح هههههههه |
رد: رمضان يجمعنا .!
نبغى تميم يجي يسولف لنا..
خلونا من التهدد والتوعد. ههههههـ وحده تقول واحدن في بالي وواحده تقول باقي الفصله ما جت. الي على راسه بطحا يمسح عليها.. |
رد: رمضان يجمعنا .!
اقتباس:
ابد خذوا راحتكم اسألوه علقوا ع كلامه مثل م تحبوا 🌹 |
رد: رمضان يجمعنا .!
اقتباس:
اصبر بس يجي دورك بنشب بحلقك 😜 |
رد: رمضان يجمعنا .!
اقتباس:
نعرف علومه وسواليفه ونظامه وتخطيطه. تراه يهذر كثير هههع لايغرك ذا الرد كم كلمه ماعرفناه الا قريب 🙃 بفعالية كانت هههههع .. |
رد: رمضان يجمعنا .!
سؤال ع الطاير لتميم لو فيه ي مهاوي
نظام اسئله للعضو. والا احذف ردي عادي.. تميم عندكم زيارات عائليه برمضان ولا مثل نظام العام حجر؟ وهل إن عندكم زيارات متخوفون من الجمعات مثل العام عشان كورونا ؟ |
رد: رمضان يجمعنا .!
اقتباس:
300 م و200ت لأن الطرح متجدد استضافات للاعضاء لاعدم |
رد: رمضان يجمعنا .!
اقتباس:
باهب لكم دخله واحده اديكم فيه رؤوس اقلام ولا عاد بتشوفوني الا نهاية استضافتي. ههههههههههـ.. تلميحاتكم وتهديدتكم وتصريحكم زي السفيره داري به وداري بمقصوده.. :bad_egg: |
رد: رمضان يجمعنا .!
كذا ماينفع نجلس نهذر والضيف
يسرح ويمرح مدري هو ياكل بقايا الفطور ولا قاعد مع واحد من اخوياه ههههه سحب بالونش يامهاوي او يتخصص له صفحه عشانً مايقدر يفرفص لا يمين ولا يسار 😂😂 الحريصي / كأن مهاوي قالت استعد والسفيرة مؤيده ونا قلت واحدن |
رد: رمضان يجمعنا .!
ما فيه الا الخير يا ندى أنتِ ومهاوي والسفيره..
:7_5_142: :36_1_33: :36_13_7: |
رد: رمضان يجمعنا .!
يعني تراني قاعد اسخن واتمرن واجرب كل الاحتمالات..
وجااااااااااهز.. ما عليكن الا حطني بس على منبر الاستضافه ووخرن واقعدن تسمعن بس. :ops: :what: :big_smile: |
رد: رمضان يجمعنا .!
رمضان مبارك على الجميع
من الحين احد يختارني الا بعد رمضان ههههههههههههههههههههه ما يمديني حتى امشط شوشتي صيام وعباده ومسابقات ونوم وطبخ فطور الله يعينا ويكتب اجرنا يارب نسيت السحور |
رد: رمضان يجمعنا .!
اقتباس:
غيمه حسيت بردك ذا عندك عشره ورعان صغار بعمر واحد هههه ترا بنجيبك بالطلب. انت من العضوات االي لك مكانه كبيره استحليني المكانه بخفة دمك وطيبة قلبك. وودنا تكونين هنا بعد الحريصي 😇 |
رد: رمضان يجمعنا .!
صباحكم خير
اعتذر والله انشغلت حيل م قدرت ادخل بدري لكن ع قولهم كل تأخيره فيها خيره الطواقي الليله مزاجهم مو رايق ههههههه خلينا نزيدهم شويتين 😜 عشان يبرد تسخينهم 😂💔 ضيفنا الاكثر طلباً جايبينه ب استدعاء من منظمة امسك لي واقطع لك 🤓 رحبوا معاي ب الحريصي ابو علي الشاطر حسن :big_smile: فليتفضل مشكواً ب هل السبحه وع فكره تقدروا تسألوا و تعلقوا ع رد الضيف خذوا راحتكم |
الساعة الآن 06:45 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون