المشاركة الأصلية كتبت بواسطة تميم (المشاركة 414063)

الشاهي ع النار ومتكي
اولا الله يتم لنا هذا الشهر والجميع بصحه وعافيه ويعينا فيه صيامه وقيامه ويجعلنا فيه من المقبولين
صراحه رمضان السنه هذي نقول بداية خير ان شاءالله مو زي العام حجر وحرمان من الصلاه والزيارات وجو الروحانيه المعتاده في هذا الشهر
البرنامج والله انه ع حسب صراحه افضل تكون اجازاتي دايما برمضان لكن السنه هذي ما الله كتب والظاهر بيتلخبط الجدول والا بالعاده نوم بالنهار حتى الظهر والعصريات هذا لازم امر السوق الرمضاني اشوف وش عندهم شي ينوكل ارجع البيت اعد الدقايق والثواني حتى يأذن وبعد التراويح دلة قهوه وتكوه ومعين من الله خير واطلع اقضي اشغالي وارجع اعد الدقايق والثواني الساعه 4 سحور وصلاه ونوم و ع ذا الموال
ومامن وجبات والله لكن الشوربه والسمبوسه طبق رئيسي عندي وعاد السحور ما اتشرط الحاصل يمشي عندي ولا اقول لا
طبعا ماهنا مواقف تذكر صراحه ولكن يكفي ذكريات زمان في هذا الشهر كان كل شي له متعه خاصه مثل البرامح الرمضانيه كم كان وكان في برامج ومسلسلات لاتنسى وباقيه بالذاكره لليوم
هذا شي بسيط والا السوالف ماتخلص لكن كتبت حتى تعبت وخلص البراد
ويسلموو مهاوي لاطروحاتك المختلفه والمميزه دووووم

المشاركة الأصلية كتبت بواسطة الحريصـي (المشاركة 414069)

والله جد داخله جو يا بنت عتيبه..
حسيت انك فوق المنبر والعرب يناظرونك.

ماعلينا مما سبق..
وحنا والله نحبك ونعزك ونقدرك.
المهم موضوعك حلو جداً جداً وانتِ احلا
ومرحباً بك وبضيفك الأول الشيخ تميم.

نمسي عليك يا شيخ..
ونقول لك شهر مبارك وكل عام وانت بخير
انطلق....

المشاركة الأصلية كتبت بواسطة الحريصـي (المشاركة 414071)

ايه ماعليك فاصله اسلاك مخها
من الحراره والكرف في المطبخ.
مسكت معاها خطابه وزي كذا....

بكره تجيك فاصله غير شكل.

بس قسم أن درعمتها جميله ولذيذه
وتعجبني والله بنت عتيبه..

المشاركة الأصلية كتبت بواسطة السفيره (المشاركة 414120)

هذي المقدمه أجمل مقدمه مرت بحياتي
هههههههع تفوز اتعب وانا اقول رووووعه
جد بسيطه وحلوه وتفتح النفس
ايه مهاوي شيلي الرسميات هههع
....
والله ي مهاوي بطله
الفكره متواجده كل سنه
بس برسميه وهاي السنه
من غير تكاليف خخخ
لكن روعه تعجبني هذه الأفكار
والسواليف <<عاشقة الهذره 🙃🤪
..
يعطيك العافيه مها
وتشكرين لهذا الحماس الغير
مستغرب منك.
..
المفروض نستفتح الطرح بك
انتِ مو تفجعين تميم هالفجعه ههه.

لكن تميم قدها وقدود 👌
..
يعطيك العافيه تميم واصل 😇👏
.....
ولو فيه تعليق او مداخله
ماراح يردني الا الكيبورد 😇
....
ختم وحصريه
يرفع لتنبيهات
لاعدمناك.
..

المشاركة الأصلية كتبت بواسطة السفيره (المشاركة 414121)

مهاوي كم المده اللي يجلسها الضيف
بالاستضافه
مثلا ثلاث ايام يومين؟

المشاركة الأصلية كتبت بواسطة عروبة وطن (المشاركة 414126)

ماشاء الله عليك مهاوي
انت زعيمة كل الفلات
لكن كان المفروض نبدأ في (مهاوي )
ما علينا ..
بما ان تميم تورط وجاوب ، نبي نعرف كم يوم بيستمر التحقيق والاستجواب لدى مخابرات مهاوي؟

تميم يعطيك العافية بس حاول اجاباتك تكون اطول
< بيحقد عليها تميم

المشاركة الأصلية كتبت بواسطة ندى الجنوب (المشاركة 414134)

كل عام وانتي بخير يامهموهه والشهر مبارك على الجميع ..
يازينك وزين طرحك يابنت العربان وكمان توصياتك عالمنتدى عجبتني
قدنا مبلطين وزاحفين / 😬

اما الدبغ شغال من اول يوم الله يعين معدنا علينا وبس

المواعين اكرهها كره ماصار ولا استوى ولا حطيت يدي فيها
عندي بنت الحلال الله يخليها لاهلها ويحفظ الديار الي جات منها / 😹😹
انا اكركب واقلب المطبخ فوقاني تحتاني وهي تشوف شغلها معاه ههههه
امس كان عندنا عزومه اهليه فطور وسحور
يعني المطبخ من زمان ماصار كذا
قلت يالله بساعدها شوي
والله كانها من ربع الجنوب
وتمسكني بيدي وتحلف مااسوي شي
قالت ماما انتي روح اجلس هناك مع اخت واخو انا اسوي كل شي
يالبى روحها والله اني احبها هالكينيه 🥰
بس اخاف تنتقم على اخر رمضان 😩😩

موضوعك فلاوي لاني احب المواضيع الي زي كذا
مافيها تكلف ولا رسميه ولا ردود منمقه
هيك على طبيعتنا الي جبلنا عليها 👌🏻👌🏻

اختيارك لتميم عجبني يستاهل خليه ينزنق ويحكينا عن برنامجه برمضان
علشان نشوف شعنده ماعنده والى متى بيفطر من يد البنقالي
يخي اقلب دوامك بالليل والا تقاعد وارتاح وربي بيرزقك من واسع فضله
هههههههههه
اهم شي ياذن المغرب وانتا في بيتك معزز مكرم وقدامك المائدة الرمضانيه
وعليها كل مالذ وطاب /
كتب الله اجرك ياتميم وتقبل منك صالح العمل ..
وترى سمبوستي وشربتي تفووز على كل السنابس والشرب
ان تبي هات العنوان وتوصلك لحدك 😋😵

نسيت نفسي واسترسلت بالهذره
يالله من رخصتكم بروح اقرا قران
وانتو لاتنسو كمان كل يوم جزء الله يبارك فيكم ويجعله ربيع قلوبكم ..

حبيبتي مهاوي
ادام الله علينا اطلالتك ومواضيعك الخنفشاريه الجميلة مثلك ..
تكفين ازنقي واحدن في بالي / وخلينا نشوف شعنده 😂😂

المشاركة الأصلية كتبت بواسطة ملك الشرق (المشاركة 414137)

الاحترام الشخصيات البارزه يبدى بالاسم المرعب والرنان

عندما نشاهد على الشاشه او نتواجه في الطريق صدفه مع شخصيه خاصة من الرجال

لنا الوجه باين لانقص في شخصية المرأة ولكن الوجه خاصه البدويه تكون برقع او نقاب لاتبين غير الحواجب
لكن كلامها والمطيه التي تقلها كانت خيله اصيله او سياره فاخره

اكيد عابر سبيل يوجه لها سؤال من ايت عرب وعندما ترد انا من العتبان بيردد الف مره ونعم ونعم

بك وبقبيلتك العريقه دربك مفتوح الله يوفقك وتوصلي مناويك بالسلامه

تحياتي وتقديري الشخصك الكريم والضيفك على قولتك الشنب تميم

بالتوفيق الكما وشهرمبارك عليكما

ملك الشرق

المشاركة الأصلية كتبت بواسطة الحريصـي (المشاركة 414176)

وين التعاليل والسوالف..
وين الشنب تميم.
ووين الخطيبه المفوهه مهاوي العتيبي.
وين العرب كلهم..

المشاركة الأصلية كتبت بواسطة السفيره (المشاركة 414178)

تقصد ي الحريصي نسأل تميم
قبل لاينتهي وقته.
خله يتواجد وترد مهاوي
وتعطينا الضوء الأخضر 😇

المشاركة الأصلية كتبت بواسطة الحريصـي (المشاركة 414202)

نبغى تميم يجي يسولف لنا..
خلونا من التهدد والتوعد.
ههههههـ
وحده تقول واحدن في بالي
وواحده تقول باقي الفصله ما جت.

الي على راسه بطحا يمسح عليها..