مودك

جديد منتديات آل تليد
آخر 20 مواضيع : صاحب الدجاج (الكاتـب : - مشاركات : 2 - المشاهدات : 17 )           »          معلومه عن ادم وحواء (الكاتـب : - آخر مشاركة : - مشاركات : 4 - المشاهدات : 25 )           »          اعتذارك مرفوض (الكاتـب : - مشاركات : 0 - المشاهدات : 9 )           »          نقد مقال الوصايا العشر في الحوار (الكاتـب : - مشاركات : 0 - المشاهدات : 8 )           »          الدين المعنوي (الكاتـب : - آخر مشاركة : - مشاركات : 1 - المشاهدات : 16 )           »          كلام الله .. (الكاتـب : - آخر مشاركة : - مشاركات : 1 - المشاهدات : 18 )           »          لنفسك حق .. (الكاتـب : - آخر مشاركة : - مشاركات : 6 - المشاهدات : 65 )           »          ادع ولا تتردد (الكاتـب : - مشاركات : 3 - المشاهدات : 24 )           »          ﻻتزعل ولاتعاتب (الكاتـب : - مشاركات : 4 - المشاهدات : 28 )           »          لغات مختلفه (الكاتـب : - مشاركات : 2 - المشاهدات : 16 )           »          فمن انت؟ (الكاتـب : - مشاركات : 0 - المشاهدات : 13 )           »          نقد كتاب نتيجة الفكر في الجهر بالذكر (الكاتـب : - مشاركات : 0 - المشاهدات : 6 )           »          نكبات تاريخيه لاتنسى (الكاتـب : - مشاركات : 0 - المشاهدات : 12 )           »          كلمات مفيده سريعه (الكاتـب : - مشاركات : 6 - المشاهدات : 47 )           »          زيادة الوزن بعد الحميه (الكاتـب : - مشاركات : 4 - المشاهدات : 29 )           »          نرجسية الذات (الكاتـب : - مشاركات : 2 - المشاهدات : 32 )           »          نقد كتاب التحقيق في مسألة التصفيق (الكاتـب : - آخر مشاركة : - مشاركات : 1 - المشاهدات : 19 )           »          قراءة فى كتاب كيمياء السعادة0 (الكاتـب : - مشاركات : 0 - المشاهدات : 13 )           »          ارحب ملايين ابو فواز قلب المنتدى النابض (الكاتـب : - آخر مشاركة : - مشاركات : 4 - المشاهدات : 70 )           »          ديربي العاصمة بين الشباب والنصر (الكاتـب : - مشاركات : 0 - المشاهدات : 25 )
اعلانتنا
منديات آل تليد   
منتديات شبكة ابن الصحراء  
جـــنان الجنوب.  
مملكة الماس   
منتديات الوليف  
 منديات آل تليد   
نسمات جنوبيه   
منتديات طموح ديزاين  
جمان نسج من الخيال  مملكة الشوق  

"•||"قطوف من الحكمة وبحـر الحكايا.".~. | الحكمة والمثل المنقول | |وبريقا من حديث | | القصص | | والروايات |

عدد المعجبين4الاعجاب
  • 1 اضيفت بواسطة الرحال
  • 1 اضيفت بواسطة سحر
  • 1 اضيفت بواسطة الرحال
  • 1 اضيفت بواسطة ندى الجنوب
إضافة رد
 
LinkBack أدوات الموضوع انواع عرض الموضوع
#1  
قديم 02-05-2018
الرحال غير متواجد حالياً
Saudi Arabia     Male
SMS ~ [ + ]
http://a.up-00.com/2018/03/152096016681961.gif
اوسمتي
لوني المفضل Black
 رقم العضوية : 2101
 تاريخ التسجيل : Oct 2017
 فترة الأقامة : 710 يوم
 أخر زيارة : 04-30-2019 (05:17 PM)
 المشاركات : 3,368 [ + ]
 التقييم : 6050
 معدل التقييم : الرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحابالرحال سمته فوق السحاب
بيانات اضافيه [ + ]
افتراضي من قصص و قصائد الغزل الجميل



اولا المعذرة على طول النص والله اني قد حذفت منه الكير لانه حشو ما ينفع
ومابقي فيه اشياء ممكن نستغي عنها لكن تركتها تكمل المعنى


من قصائد الغزل الجميل
الراوي محمد الشرهان
________________________________________
هذي ثلاث قصايد غزلية جميلة لشعراء معاصرين بس القصايد أعجبتني بقوتها
لجمالها مع أن أبياتها قليلة لكنها قوية وتصلح تسولف بها إن جالها مجال وإلا
طاري والقصايد الجميلة يعني يستفيد منها الشخص، اسم او كلمة
او عبارة تطري عليه تذكره شي من هالنوع

هذا واحد من الشعراء مرة من المرات، مودي زوجته لعيادة والعيادة هذي صايرة في عمارة تحتها
دكاكين، تحتها محلات، سوق مجمع والعيادة نسائية ما يجيها رجال، دخلت زوجته في العيادة وماسكت سرا ما وصلها
ا الدور فمل هو من القعود في العيادة ، قال لولده الصغير الى خلصت امك تراي تحت انتظر علمني
لان العيادة، فالسوق فيه دكاكين يمين ويسار منوعة محلات ملابس ومحل مواعين ومحل مثل هالأشياء،
ساعات ، وأكثر رواد هالسوق نساء، والى مدخل السوق هذا متواسي مبلط لكن الى جا تقريبا في
نص السوق فيه له زليفة مهيب رفيعة بالحيل يمكن يجي لها في حدود العشرة سانتي، من عقب
هذي يرتفع السوق ، لكن صارت هالزليفة مايفطنون لها الحريم الي يجون متغطين، وقبل يعثرن
فيها ويطيح فيها ناس، هو قاعد مثل ما تقول على كرسي أو محل للانتظار، ويشوف
الحريم رايحين جايين والشاعر دقاق نظر الشاعر نظره مثل الكاميرا، بس بدال ما تطلع
صورة تطلع أبيات، فيلاحظ وهو دقيق الملاحظة عاد شاعرنا هذا نبيه ودبق لبق، يقول
هو ان فيه زحمة الحريم، والى فيه واحد مقابله مهوب راعي دكان هذا هندي يصلح ساعات
مثل هالي عندهم دويلبات وراعي الساعات ما ياخذ حيز واجد، له محل مثل الكبينة قاعد
عندها يصلح ساعات، يقول ما درا الا وهالعجيز مسكينة تمشي ما فطنت للزلفة، عليها هالعبية
وترا بعض الحريم العجز الأولات، الي فيهن دين تتستر وتغمر روحها بالعباة والغطوة حتو
لو هي في قيض، وجت هاك العجيز عليها هاك العباة الجبرة والناس في قيض، ومتغطية ومتلفلفة،
ومعها كيسة زرقاء فيها ليمون وبقدونس، جاية تمشي مافطنت للزلفة هذي، بس من يوم عدت
راعي الساعات المسكينة التوت رجلها وعثرت وطاحت وتطيح هاك العجيز طيحة كايدة.
وطاحت مسيكينة على وجهها، وعلى كتفها حاطة لزقة، مثل ذا اللزقات الي تحط على الظهر،
وطاحت مسيكينة، والله ما فطن لها أحد الا هالهندي جزاة الله خير، سلامات يا ماما،
ويقوم يرفعها والى الهندي هالي يصلح ساعات عنده باقي قارورة ماء، ويجي يعطيها اياها قالت
جزاك الله خير، والى المسيكينة تورمت ركبتها، وانغثت وبعد يمكنها منفلقة بس ما تعلم، يمكن
جايها بعد مثل الصعرور بالجبهة يبي من يفركه، قعدت تسمي وتورد على نفسها، واعتقدت
انها منظولة، وتقرا على روحها، ما فطن لها أحد غير هالرجال الهندي،
ويمكن حرمة عجلة سلمت عليها وتشافت لها ومشت، هذا منظر.
وافطنوا للمنظر الثاني وشلون يقول الشاعر طبعا هو ما يقدر يجيها ويلمسها، صحيح انه
بيقول سلامات ياخالة ما تشوفين شر وعود لمكانه ينتظر اهله يجون وعينه تناظر الرايح والجاي كنه
مروحة قعادية وهو ينتظر اهله ويطالع جهة الغرب وإلى مجموعة هكا الحريم جايين أغلبهم
بنات وإلى الزين بين كل يكشفه حتى لو من بعيد المهم البنات جايين ويمكن انهم طالعين
مثلا من تدريب كمبيوتر او مثل هالنوع، والى وحدة منهن في النص طويلة وكل شوي تصلح
شيلتها ومتسترة ويبدو هذي البنت من ممشاها أنها يمكن اول سنة بادية تطلع من البيت ما بعد ركدت
في ممشاها، البنت إذا صارت طلعتها للسوق أول مرة ما تعرف تمشي
ساعة تعثر في العباة وساعة تكلم اللي جنبها وساعة تكركر من الضحك.
المهم وهم مارين البنات واقبلوا على مكان الزلفة ما فطنت البنت نفس الشيء مثل العجوز
يمكن كانت تكلم اللي جنبها ولا فطنت وتطيح هذيك الطيحة اللي ما امداها حتى تظف
العباة وطاحت على جنبها الايسر وانفتشت شيلتها شوي بس غطتها اللي جنبها بسرعة
ويقول الشاعر انه لمحها وطاحت الين جاء جهة خدها على الأرض وتملت تراب وتساعدها اللي
جنبها وتلملم روحها واللي في السوق كلهم صاحوا سلامات وما تشوفين شر حتى الاجانب
اما يوم تطيح العجوز ما فطن لها احد يمكن انها الى هالحين تون مسكينه وهذي البنت
من يوم طاحت كل اللي في السوق سموا عليها، بلسان واحد سلامات سلامات
كنه داخل هده. فعاد الشاعر وصف هالمنظر بالابيات هذي :

شفتها تمشي بدل واختيال = فارعة بالطول من هو قدها
الحيا والطيب مع زود الجمال = والعيون السود يقتل حدها
لكن الاقدار ما عنها محال = لو تقوم الخلق تاقف ضدها
فز قلبي يوم شفت الزين مال = وعبرت دمعة تعبت بصدها
وعثرت وسط الملا بنت الحلال = واتضح صوت الخجل في ردها
وانكسر في عثرته سيف الدلال = وانحنى غصن الفرح في يدها
قمت الوم الارض نهر الشوق سال = كيف طاحت ماقويتي ردها
قالت بنشوة وردت باعتدال = الوله والشوق يمي شدها
ماقصدت السو في جسم الغزال = مقصدي كله اقبل خدها



والقصيدة هذي للشاعر محمد السليمان الضالع من أهل بريدة. سمعتها منه الله يذكره بالخير.
وفيه قصيدة ثانية غزلية رقيقة لشاعر معاصر اسمه خالد البقمي فيها وصف جميل ومناسبة القصيدة
انه كان يمشي في السوق ووقت العصر وقت انطلاقة الشوف واللي يناظر من جهة الغرب
للشرق تكشف له كل شيء يقول يوم جو بنات مسايير متقدمتهن ذيك الوحدة عليها
عباة وباين من اللمعة أن الراس مكدود وتمشي وتحرك
يديها بدلال كنها شايلة طفل فقال هالابيات هذي يقول :

تحت العباة اللي سوات المخيلة = تضفي ويفضحها من الحسن براق
جتني تجر الزين عنقاً طويله = طرقا تغريف من طويلات الأعناق
يلمع شعاع الشمس فوق الجديلة = عصير يوم اني صدفته بالاوفاق
كن الترف طفل يديها تشيله = أم الحنان اللي من الرمش دفاق
وكن البحر موج العيون الكحيلة = وغزو المزون البيض في سود الاحداق
ومنين ما لديت فيها جميلة = مثل الذي باذهانكم ياهل الأذواق
حديثها ذكرى القمر كل ليلة = وإحساسها مثل الندى فوق الأوراق
ما للفؤاد إلى انجذب فيه حيلة = تثير مجنون العواطف والأشواق
حاولت الاطف خاطره واستميله = يوم انها جتني وانا جيت عشاق
قلت الحياة أيام قالت قليلة = ما ينبغي حب يجي بعده فراق
تقبلت علمي وردت بديله = وما إستر صدري من جوابه ولا ضاق
غنج الغواني في وقار الفضيلة = هذا الجمال اللي تتوجّه الأخلاق
وراحت وأنا مدري من أية قبيلة = إلا أنها نجدية تسبي الأعماق


هذي قصيدة خالد البقمي وصف لا بين ولا فضح بالبنت وهذا ترى من الاصول ومن الستر
ومن المناهج اللي يمشون عليها الشعراء العاقلين مثل ما قال شاعرنا في بيته الاخير وقفت
وانا مدري من اية قبيلة الا انها نجدية تسبي الاعماق، وهالبيت هذا يذكرنا بشاعر من شعراء
الاولين يقال له عبد الوهاب بن عبد العزيز الفياض رحمة الله عليه
وقال ابيات جميلة دايم يغونها اهل السامري يقول فيها :

امس في سوق مدري عارضتني غزالي = في فريق ما عرفه وان عرفته نسيته
ما اقدر اسميه من خوفي يجيله مجالي = خايف المقرد لا يدلون بيته
وألتقينا بلا ميعاد والسوق خالي = سمت منه الوصال وباعني واشتريته
يا خليفة هلي لا يا بعد من غدالي = ارحم اللي بحبك عاف حيه وميته
الهوى بالهوى ما فيه ذلك وذالي = حاجته لا بدت لو ما طلبني عطيته

هذي من القصايد الجميلة واللي ما تبين الاسم ولا
في أي مكان وهذا يعتبر من الستر في مواضيع الغزل العفيف.





سحرمعجبون بهذا.
 توقيع : الرحال



رد مع اقتباس

اخر 5 مواضيع التي كتبها الرحال
المواضيع المنتدى اخر مشاركة عدد الردود عدد المشاهدات تاريخ اخر مشاركة
في خاطري ياملتقى تليد اودعكم على خير ديوانية شعراء آل تليد 5 381 07-04-2018 03:21 AM
ايه ياقلبي تكلم بارتياح الصوتيات والمرئيات 8 252 07-03-2018 07:40 PM
كبير لكن الزمن ماعرف لي الصوتيات والمرئيات 3 248 07-03-2018 07:32 PM
رصيده 300 مليون والسبب - الصوتيات والمرئيات الاسلامية 1 207 07-03-2018 06:57 PM
أليس الله اعلم بما يدبر في الكون - مسـاحةُ بِلا حُدود" 9 342 06-30-2018 06:13 PM

قديم 02-05-2018   #2


الصورة الرمزية سحر
سحر غير متواجد حالياً

بيانات اضافيه [ + ]
 رقم العضوية : 1108
 تاريخ التسجيل :  Jun 2012
 أخر زيارة : منذ 3 يوم (08:21 PM)
 المشاركات : 676 [ + ]
 التقييم :  99
 الجنس ~
Female
 MMS ~
MMS ~
لوني المفضل : Brown
افتراضي رد: من قصص و قصائد الغزل الجميل



الرحال اشكرك على الطرح المميز
دائما متميز في الانتقاء
سلمت يالغالي
تقبل مروري
مع تحياتي


 
الرحالمعجبون بهذا.
 توقيع : سحر



رد مع اقتباس
قديم 02-05-2018   #3


الصورة الرمزية الرحال
الرحال غير متواجد حالياً

بيانات اضافيه [ + ]
 رقم العضوية : 2101
 تاريخ التسجيل :  Oct 2017
 أخر زيارة : 04-30-2019 (05:17 PM)
 المشاركات : 3,368 [ + ]
 التقييم :  6050
 الدولهـ
Saudi Arabia
 الجنس ~
Male
 MMS ~
MMS ~
 SMS ~
http://a.up-00.com/2018/03/152096016681961.gif
لوني المفضل : Black
افتراضي رد: من قصص و قصائد الغزل الجميل



سحر هلا بعودتك وهلابك في متصفحي وشكرا لك على
مرورك الرائع تشرفت بتواجدك بموضوعي


 
ندى الجنوبمعجبون بهذا.


رد مع اقتباس
قديم 02-06-2018   #4



الصورة الرمزية ندى الجنوب
ندى الجنوب متواجد حالياً

بيانات اضافيه [ + ]
 رقم العضوية : 1973
 تاريخ التسجيل :  Apr 2013
 أخر زيارة : منذ 4 دقيقة (07:58 PM)
 المشاركات : 20,253 [ + ]
 التقييم :  77089
 الدولهـ
Saudi Arabia
 الجنس ~
Female
لوني المفضل : Black
افتراضي رد: من قصص و قصائد الغزل الجميل



القصايد الي تجي بعد معاناة او مناسبة
تكون اجمل ...

انتقاء مميز بذائقة عذبة
سلمت اخي الرحال وسلم ذوقك
لاهنت ي فاضل


 
الرحالمعجبون بهذا.
 توقيع : ندى الجنوب

..
اننآ بحآجة للخلافآت احيآنآ !!
لِـ معرفة مآ يخفيہ الأخرون في قلوبھم ..
فقد تجد مآ يجعلك في ذهول …
وقد تجد مآ تنحني لہ إحترآمآ ..

❤❤


رد مع اقتباس
قديم 02-06-2018   #5


الصورة الرمزية الرحال
الرحال غير متواجد حالياً

بيانات اضافيه [ + ]
 رقم العضوية : 2101
 تاريخ التسجيل :  Oct 2017
 أخر زيارة : 04-30-2019 (05:17 PM)
 المشاركات : 3,368 [ + ]
 التقييم :  6050
 الدولهـ
Saudi Arabia
 الجنس ~
Male
 MMS ~
MMS ~
 SMS ~
http://a.up-00.com/2018/03/152096016681961.gif
لوني المفضل : Black
افتراضي رد: من قصص و قصائد الغزل الجميل



ندى الجنوب سعدتُ بتواجدك وحضورك موضوعي انرتي المكان ف لك كل الشكر والاحترام


 


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
من شعر الغزل متعب الريثي ديوانية شعراء آل تليد 10 11-03-2017 01:26 PM
(( “نمل العسل” أو “نمل وعاء العسل”)) شروق الامل - عالم الحيوان والنبات 4 09-09-2012 09:07 PM
قصائد ابن فطيس ، قصائد ابن فطيس مكتوبه ، جميع قصائد ابن فطيس الجديده أمـــــــــــــيـــــرة - "تحليقات في فضاءات همس القصيد" 5 07-02-2012 09:03 PM
اطرف قصائد الغزل لا تفوتكم وناسة مراسل وادي دفا - كـافـي آل تليد 5 03-26-2011 05:27 PM
الكلام الجميل>>فن<<والرد الجميل ذوق الفتى الذهبي - مسـاحةُ بِلا حُدود" 6 04-23-2009 12:39 AM


الساعة الآن 08:02 PM


Powered by vBulletin® Version 3.8.11
Copyright ©2000 - 2019, vBulletin Solutions Inc.
Content Relevant URLs by vBSEO