سالفة قديمة من الأولين

هذي سالفة قديمة من الأولين

يقول كانت البيوت طينية متشابهة ومتقاربة
وفي يوم قلت لزوجتي بيجيني ضيوف على العشاء والعشاء كان موعده المعتاد بعد المغرب وطلبت منها تجهز كل شي قبل يجون الضيوف

يقول رحت للمزرعة اجيب اغراض ورجعت على آذان المغرب لقيت زوجتي نايمة وأخذت عصى وضربته بكل قوتي من شدة الحرة وطلعت بالليوان اناظر اثره البيت ماهو بيتي هذا بيت جاري وانا دخلته بالخطأ والحرمة اللي انا ضربت تصير زوجته
يقول تلطمت وطلعت متجه لبيتي لقيت زوجتي مجهزة كل شي تنتظرني

يقول جوا الضيوف وضيفتهم وانا متكدر ووجهي متلفع وضايق صدري من الخطأ اللي سويته وراحوا الضيوف وجلست ثلاثة أيام بالبيت ضايق صدري انتظر جاري يشتكيني لكن ما شكاني

بعدين رحت لسوق الذهب وشريت هامة ذهب وطقيت الباب على جاري وقلت له القصة وقلت هذا الذهب رضاوة لزوجتك عن الضرب اللي جاها مني

قال جاري انا مستغرب اشوفها متسنعة ومتغيرة وصايرة تهتم بشغل البيت ليتك كل أسبوع تدخل وتجلدها

هي تحسب اللي ضاربها زوجها ماتدري

😂😂

ههههههههههه .. مسكينة والله بس رغم ذلك كسب أجر في زوجها
أول شي سنع له زوجته ، ثاني شي يبيع هالذهب على السايلنت بدون تدري هههه

أسعد الله أيامكِ جود ..

وأسعد أيامك يالغلا

ههههههههههه
يقطع سوالفهم هالبدو
قسم لوعندنا ليصير فيها رقاب

سلمتِ يالاجوديه