قصيدة ( قالو : علامك تايه الفكر حيـران )

قالو : علامك تايه الفكر حيـران ؟!!
قلت : اتركوني هكـذا هـي حياتـي

اصارع الآحـزان راضـي وقنعـان
ماقـدَر البـاري علـى العبـد أَتـي

واجاهـد الدنيـا وغـارات الازمـان
الـدرع صبـري واليقيـن الثباتـي

حكايتـي عنوانهـا صبـر الآنسـان
مضمـونـهـا ألام ومغـامـراتـي

انا الغريب وغربته جـوف الاوطـان
صدَيـت عـن جمـع الآوادم بذاتـي

وانا سفير الهـم فـي دار الاحـزان
ممـا لجـا بالقلـب عفـت المباتـي

تلعبَـي الأوهـام وادوج الاكــوان
قامـت تصافقبـي جميـع الجهاتـي

حيـران والآوزان ماهيـب الآوزان
جـا فالمقاييـس انقـلاب وخَطَاتـي

حيران والضلعان ماهيـب ضلعـان!!
قيعـان والضلعـان مامـن بتـاتـي

حيران والغلطان ما هوب غلطـان!!
وينشـات شـيٍ مـا أظنَـه يشاتـي

واصبح جميع النَاس تنقـال شجعـان
مـن دون معيـارٍ تضيـع السماتـي

وازريت اميَـز بيـن قـرمٍ وجابـان
الشات ذيب وراجـع الذيـب شاتـي

وان بانوا الصدقان ماغيـر عـدوان
اقبل زمان الكـذب والصـدق ماتـي

كنَ الامل نوره من النَـاس خجـلان
لا من بزغ جا في شعاعـه شتاتـي

وضعٍ يخلَي صاحي القلـب مرضـان
ويذوق من شـيٍ وعـاه احسراتـي

لو صاح باعلى الصوت ياكنَ ماكـان
الصوت مابه فـود وقـت الفواتـي

طال الظلام وصبحنـا غـاب مابـان
ما قبل وليل الهـمَ ضـاف العباتـي

حيران لا تسئل على ويش حيران ؟!!
هذي حيـاة اللـي يعانـي سواتـي

منقوول

مفرح التليدي

ربي يعطيك العافيه
قصيده مررره حلووه
والكلمات رائئعه
بالتوفيق
كنت هنا

ربي يعطيك العافيه والصحه
على جميل أختيارك

قصيده راائع
سلمت يمناك اخي مفرح
دائما متميز في طرحك..
بنتظار جديدك المميز..
تحياتيـ..

نقل رآئع
وناقلٌ أروع
سلمت يداگ •

أخواني

شكرالله لكم

مروركم ومشاركتكم