درب الغياب

	*& درب الغياب &* على أمرك يابعد نبض الخفوق وهاجسي ومناي مدامك ماتبي وصلي أنا وش عاد يبقيني أبحفظ مابقى لي من كرامه وأستحث خطاي على درب الغياب ووين ماودى يوديني واذا هفهف على صدري هواك وحدني لاقصاي دعيت الله يطمن في بعادي قلبي وعيني وطلبته مثل مامكن غلاك وثبته بحشاي يشيله من معاليقي قبل لا الوجد ينهيني ولعلمك لو عرفت إني أبثني عزمك برجاوي أموت ولا ترجيتك وقلبك بايرٍ فيني لو انك قلتها تبغى تشوف معزتك جواي أو انك قلتها ساعه زعل والذنب كاسيني لاجيك بكل حيلاتي من ايام الصبا لا تلاي وأشري رضاك لو كان المقابل باقي سنيني ولكن مالمسته بك قتل حتى العتب بشفاي غرام ٍ مات في عينك على فرقاك يغريني حسافة كنت احسب انك تقدر طيبتي ووفاي وعلى اقل احتمال تراعي اللي بينك وبيني توقعت إنك أخلص من عرفت وشفت في دنياي أشك بكل من حولي ووحدك ماتخليني طلبت البعد في وقتٍ أبيك تكون به يماني بعد ماجارت ايامي علي وحارت يديني ولايخفاك لوعات الليالي وماحصل وياي ولو مافي يدك حاجة وجودك كان يكفيني توفي لو بعض دينك إلين آقف على ماطاي لعل يكون لي صبر ٍ على الفرقا يقديني على كل حال ماينفع كلامي لك ولا شكواي عن اذنك برحل لدرب الغياب اللي يناديني شعر / عبدالله السهلي

سلمت يمناك أخيـ الذوق الرفيع

قصيده في غاية الروعه

كل الشكر لك ع الاختيار الجميل.

تسلم اخي الذوق الرفيع على القصيدة الرئعة

الله يعطيك العافية ننتظر جديدك

مشكور اخي الفتى الذهبي على الابيات الجميله تقبل تحياتي