- مسـاحةُ بِلا حُدود" مسآحة حـرهـ ~ | هنا المواضيع | العامة| التي | لها قسم يختص بها | |من هنا | وهناك | |
|
أدوات الموضوع | انواع عرض الموضوع |
#1
|
||||||||||||||
|
||||||||||||||
انتقاء الكلمات وأثرها
الضربة اللي ماتقتل تقووي
قصة راقت لي كثيرا فأحببت مشاركتكم بها : انا انسان طبيعي بس الشي الغريب محد يذكرني ، يعني ان جيت ولا رحت عادي جوالي يجلس اسبوع محد يدق علي ، صح تعبت نفسيا من التهميش بس تعودت وصرت ماسولف مع احد ، ولا احب افرض نفسي ع احد ، انا موظف (حارس امن) الشهاده لكم عليها ، عندي عمي كبير العائله احبه حب جنوني ........ و اقدره لرزانته وحكمته وتعقله ، واقاربي دايم يستشيرونه اذا عنده مناسبه ، اكون اول الحاضرين ، واصب القهوه والشاهي ، واهتم عشان مايزعل ، وكان في المناسبات يعتمد علي وكنت مبسوط لانه مايهمشني مثل البقيه ، أخوي الي اصغر مني تخرج ضابط ، وقررنا نخطب انا وهو من عند عمي ، (( تعرفون لما تحب إنسان اوتتعلق فيه وتنصدم منه صدمه العمر )) قال اخوك يختار من اكبرهن لين اصغرهن وانت مالك نصيب عندنا ، قلت : ليه ياعم ! ضحك قال منت بكفو ! سكت من الصدمه . اخوي انتظره يقول شي سكت يبي بنته الي يحبها ، بلعت الكلمه ومن بعدها جلست اسبوع اقوم اخر اليل اصرخ من القهر.....! لهدرجه محد يشوفني شي، طيب انا ماعمري اذيت احد وخدوم وبالاخير ماني كفو لو جت من غيره عادي بس عمي الي مربيني من بعد ماتوفى الوالد ، من تأثري بكلمته تركت الوظيفه ، واعتزلت الناس وصرت افكر بمستقبلي جامع مبلغ بسيط ، وقررت اشتغل في التجاره ، وبديت اشتري خضار ، وكنت اشتري احسن شي في السوق ، وانقص في سعر الربح ، العالم تدبل السعر وانا ابيع باأقل من النص ، عشان امشي بضاعتي، وصرت اتعامل مع الشريطيه يوم يضحكون علي ويوم اضحك عليهم ، صرت شاطر في البيع والشرا ، البضاعه الي اشتريها مايجي العصر الا وهي مخلصه ، سنتين وبديت افتح محلات خضار، ونفس البدايه مكسبي مايتعدا نص سعر البضاعه . تزوج اخوي ، وانا ماعاد رحت لعمي الا اذا جات مناسبه كبيره ، احضر واجلس مع الناس ماعاد اناقز مع القهوجيه ، بعد سبع سنوات من كلمة عمي صار عندي في كل جهه من الرياض اقل شي محلين خضار ، رصيدي في البنك يبطي عمي وعياله يجمعونه . شريت بيت لي وللوالده وخواتي في ارقى حي في الرياض ، جوالي اللي محد يدق عليه كل يوم معزوم وعمي مبسوط مني وصار يستشيرني ،،، دق علي وقال ترا جايك بكره قلت حياك وكنت عارف ليه جا ، قلت لازم استرد كلمته الي جرحني فيها وعطتني دافع اتغير ، جاني هو وولده يخطبون اختي وجايب معه أثنين من كبار العايله يبي يحرجني ، قلتله ابد البنت بنتك وولدك اخوي بس عندي شروط....! قال وش شروطك : قلت المهر مية الف ، ولها بيت لحالها ، وشغاله وسواق . قعد يضحك ويقول تتكلم من جدك ؟ قلتله الي مو بكفو يلبي طلباتنا لايخطب من عندنا . انصدم وقال ماربيتك على كذا . الآن اختي مزوجها امام مسجد في حارتنا وعمي اذا شافني داخل اي اجتماع او مناسبه يوقف ويرحب فيني وكذا مره يلمح لي يبيني اتزوج بنته واقول له: ماني بكفو اناسبكم. الخلاصة : ( بكلمه نهدم حلماً ، نداوي جرحاً ، بكلمة نخسر شخصاً ، نكسب قلباً ، بكلمة نحقق أمراً ، نسعد بشراً ) - فلتعلم بأن كلماتنا التي لا نلقي لها بالاً ستترك أثراً لا يُمحى في قلوب من يحبنا ترافقنا الى أن نفنى ، فكر قبل أن تنطق كلمتك فهي كبصمة في القلوب لا تتغير.. |
11-26-2016 | #2 |
|
رد: انتقاء الكلمات وأثرها
،،
سلبا أو إيجابا لها أثر وخاصه عندما تكون من غالي ع قلوبنا. ...... لهذا وجب انتقاء العبارة لأنها تكون أحد ف وقعها من السكين.. ... شكرا لعطائك ، ودمتي ع الدوام لا عدم .... |
لـتكن لنا أرواح راقيــه ,, نتسـامى عن سفـاسف الأمـور وعـن كـل مـايخدش نـقائنـا ,, نحترم ذاتنا ونـحتـرم الغـير .. عنـدمـا نتحدث.. نتحـدث بِعمـق ونـطلب بـأدب .. ونشكر بـذوق ..ونـعتذر بِـصدق .. نتـرفـع عـن التفاهـات والقيـل والقـال نحب بـصمت.. ونغضب بـصمت وإن أردنا الـرحيل .. نرحـل بـصمت .... |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الكلمات المشجعه مهمه | تميم | آل تليد الأستشارات وتطوير الذات | 8 | 10-25-2017 02:11 PM |
أيها المارون بين الكلمات العابرة | تميم | - "شُطْــــآنُ الْبَوْحِ" | 3 | 02-23-2016 01:14 PM |
الكلمات الحاسمة..!! | جووود | - مسـاحةُ بِلا حُدود" | 0 | 10-03-2015 01:51 AM |
الموضوع مفيد وفي غاية الاهمبه..لتعلم الانجليزيه:: | ابـ معدي ـو | - منتدى اللغة الإنــجلـــيزية | 8 | 09-18-2012 10:11 AM |
الأسـرار السـبـع لإتقان اللغة الإنجليزية | تليدي وافتخر | - منتدى اللغة الإنــجلـــيزية | 2 | 12-01-2010 12:31 AM |