- "تحليقات في فضاءات همس القصيد" | ملتقى القصائد | | ونبض | | الشعر| | الشعراء | |
|
أدوات الموضوع | انواع عرض الموضوع |
#1
|
||||||||||||||
|
||||||||||||||
يمه بقولك شي بس لا تعصبين.
يمه بقولك شي بس لا تعصبين....~
لاتعصبين يمه بقول لك شي بس لا تعصبين ..// يمه كتابي بالمدرسه نسيته ..! ونسيت الالوان ودفتر التلوين ..// و دفتر الأملاء بالغلط شقيته ..! و المريول يالغاليه لا تنسين ..// بالالوان و المزيل وسخته ..! وانا مع صاحباتي المزايين ..// يمه صبعي بالمقص جرحيته ..! بس صدقيني ترى مايعور الحين ..// لاني في المدرسه بالماي غسلته ..! و نشفته وحطيت صبغة الايدين ..// وبلزقه الجروح و الكلينكس لفيته ..! اكلت العلكة وجبنه لوزين ..// و العصير ما عجبني طعمة ورميته ..! ايه يمه ابله العربي الي تعرفين ..// يمه الجوال منها سرقته ..! قريت الرسايل المرسله و الجايين ..// وفيها كلامن كثير ما فهمته ..! بس والله يايمه تصدقين ..// بسرعه وبدون ما تحس رجعته ..! يمه وبقول لك شي بس ابوي لا تخبرين ..// شعري امس بالمكوى حرقته ..! و روجك الوردي الي تحبين ..// يمه خذته معي و في الباص ضيعته ..! تكفين يا يمه لا تزعلين ..// لاني روجة الباربي و العطرلك شريته ..! يمه اسناني تعورني من الصبح للحين ..// وضرسي الي يتخلخل بالغصب قبعيته ..! و غسلت فمي و بالماي وللحين ..// القطن بفمي من الصبح ما شلته ..! يمه حصة القران تدرين ..// والرياضيات والعلوم ما حظرته ..! جلست العب في الساحه مع صابرين ..// وضيعت شرابي وللحين ما شفته ..! ورحت مع علي للمدرسه تصدقين ..// وكل الي نسيته من هناك جبته ..! وفي طريقنا واحنا ع المحل مارين ..// وقفته و من يده للمحل نزلته ..! وهذا الكتكات و السنكرز لا تزعلين ..// و االببسي والبونتي لك شريته ..! وترى نص الكتكات لي لا تفرحين ..// و البونتي والسنكرز لك مابغيته ..! وهذي هي اللصقه و غرشة الايدين ..// وترى من غرفة الارشاد سرقته ..! يمه تعبت من الحكي وبنام هالحين ..// وبكره اكمل لك الي سويته ..! اووه صحيح الحليب الي شريتين ..// تراه انكب بالمطبخ ما غسلته ..! و صج الكريم و علبه الفازلين..// و المشط و الشرايط بالكبت خشيته ..! واخوي الصغير يبكي من جيت للحين ..// مو راضي يسكت بالعصا طقيته ..! يمه تكفين بالزعل لا تعاقبين ..// لان ابوي توي من شوي راضيته ..! هذا يايمه الي صار لا تكفين ..// لا تزعلي ترى الزعل عمري ما قويته ..! ودخلت الطفله في عالم الحالمين ..// والدموع الي بعينها ما نسيته ..! نامت الطفله و هي تتمتم الى الحين ..// يمه السمك ترى للقطو حطيته ..! يمه المريول اغسليه لا تنسين ..// و علي واجب لبكره ما حليته ..! اخذت يمه نجمتين بالدين ..// واختفى صوتها والباقي ماسمعته ..! مسحت دمعتها و قبلت الجبين ..// و شعرها المنثور بيديني جمعته ..! طفلتي جننت من البشر ستين ..// و الميه الحين اتوقع وصلته ..! منقوووله .. يا حليلها هذي قالت كل شيء بريئه ههه هذي تجنن بلد ههع أنا لو أمها اربطها بالسرير ومانبغا مدرسه وعلام😵💫 لـتكن لنا أرواح راقيــه ,, نتسـامى عن سفـاسف الأمـور وعـن كـل مـايخدش نـقائنـا ,, نحترم ذاتنا ونـحتـرم الغـير .. عنـدمـا نتحدث.. نتحـدث بِعمـق ونـطلب بـأدب .. ونشكر بـذوق ..ونـعتذر بِـصدق .. نتـرفـع عـن التفاهـات والقيـل والقـال نحب بـصمت.. ونغضب بـصمت وإن أردنا الـرحيل .. نرحـل بـصمت .... |
10-28-2022 | #2 |
|
رد: يمه بقولك شي بس لا تعصبين.
ابداع في الاختيارجمال يفوق الخيال في الطرح
بارك الله فيك سفيرة النوايا الحسنه تحية وتقديرمن صميم القلب لكي على هذاالتميز في مشاركات يعطيك العافيه ويوفقك دنياء واخره |
|
10-28-2022 | #3 |
|
رد: يمه بقولك شي بس لا تعصبين.
ههههه كبت العشا كله ماخلت ولابقت
امها اتوقع تعدت مرحلة التعصيب وجتها جلطه ههههه يسلموو السفيره ع التونيسه |
|
10-28-2022 | #4 |
|
رد: يمه بقولك شي بس لا تعصبين.
من يوم ماقريت العنوان في اللوحة
قلت اكيد مسويه مصيبه بس كذا عز الله فعلا الام ممداها تعصب الا انصرعت موضوع جميل وخفيف ولطيف يعطيك العافية سفيرتنا |
اللهم اكفيني ماهمني وما لاأهتم له اللهم زودني بالتقوى والعفاف والغنى وأغفر لي ذنبي وجهني للخير أينما توجهت اللهم يسرني لليسرى وجنبني العسرى. سبحانك اللهم وبحمدك اشهد ان لا اله الا انت استغفرك واتوب اليه اطلب رمزيتك من الجنوبيه وامر/ ي تدلل/ ي |
10-28-2022 | #5 |
|
رد: يمه بقولك شي بس لا تعصبين.
😂😂
مافي بلوى ماسوتها الله لا يبلانا ابدعتِ الانتقاء السفيرة كل الشكر والتقدير .. |
|
10-29-2022 | #7 |
|
رد: يمه بقولك شي بس لا تعصبين.
انا ماحزنت الا على اللي اسمه علي
مرمطته ودخلت البقاله اشتريتها كلها ولامها وضحكت عليه المسكين ههههع مدري ايش اسم هالبنيه عشان لانسمي مثلها خخ الشاعر هنا خياله واسع شكله يعاني من عياله ههه.. السعيدي .. تميم ... ام هتان .. ندى الجنوب.. قناص الجنوب نورتم الطرح بتواجدكم الفخم كل الشكر والتقدير لاعدمناكم .. |
|
11-08-2022 | #8 |
|
رد: يمه بقولك شي بس لا تعصبين.
كل هذا وما تبين امها تعصب
ياعيني على الثقة تدرين السفيرة لو اقول لامي بقولج شي بس لا تعصبين بتعصب قبل لا تعرف شو مسوية اختيار لطيف |
|
مواقع النشر (المفضلة) |
|
|