استخرت الله !

-
استخرت الله على " وصل وفراق " الفين مره
كلها كانت فراق وكان وصلك في الاخيره

يوم شفت البعد خيره خفت من بعدك وشره
واستخرت الفين مره لين صار القرب خيره

بين موت القلب من فراقك او ، وصلن يضره
قلت اعيش العمر جنبك لو سقيتيني .. هجيره

ليه احبك لان حبك ما ترك في القلب ذره
كيف احبك مثل ما صدر البحر يحضن جزيرة

كم احبك قد هذا الكون كله و المجره
وين احبك اعشقك في كل ارض ، و كل ديره

انتي اول و انتي اخر من لها في الروح جره
و انتي اجمل " وانتي اعذب " من لها في البال حيره

صدقيني كنت اكذب سالفـة للعين قره
لين ماقرت ، عيوني فيك من يومك صغيره

تكبرين و تكبر الاحلام في .. صدري وازره
خايف افقد حلم عمري فيك لا صرتي كبيرة

وهذا انا يومك كبرتي ، و اقدامي تشره
استخير الله واخاف افقدك و ارجع .. واستخيره

خوفتني خطوتي من دربك وما خفت شره
استخرت الفين مره لين صار الدرب خيره

أكثر من روووعه
صح لسان قايلها وسلم بنان ناقلها
ولاهنت لنقل الجميل
لاعدم
....

كلمات جميله في مضمونها
يسلموو ع النقل المميز فزاع

كلمات جميله
صح لسان قائلها وسلمت يدين ناقلها

شكراً على مروركم أنرتم
لا خلا ولا عدم