الامانه

• 
  الأمـــانـه
• .
  .
• الامانـه ياطويـل العمـر مـاكـلٍ عرفـهـا
  غير ياليتك تقول اليـوم وش معنـى الامانـه
• واحـدٍ قـال الامانـه ناقـةٍ تاكـل علفـهـا
  وواحدٍ قـال الامانـه مالهـا ذالوقـت خانـه
• وانت لوشفت العرب وش لون تاكل في طرفها
  ماتخلّي واحـدٍ منهـم وراسـه فـي مكانـه
• غير شفها ياطويـل العمـر يانفـداك شفهـا
  لين تدري منهـم اللـي يستحقـون الادانـه
• عالمٍ من خيـر ذالدولـة تنعّـم فـي ترفهـا
  ايتمتّـع فـي نفـوذه وايتمنّـع بالحصـانـه
• الوجيه اللي على حب الطمع باعـت شرفهـا
  اخلفت درب السيول وحطّـت العالـم وزانـه
• وانشد اهل الديرة اللي عاصف الماطر عصفها
  يوم جا سيل الربوع وعان درب السيل عانـه
• البيوت اللي دخل فيها علـى دربـه جرفهـا
  والنفوس استشهـدت والله يفاولهـا جنانـه
• والشباب اللي ترعرع طول عمره فـي كنفهـا
  ما اسعفه وقته ولاهي سرّتـه خبـرة زمانـه
• مادرى انه في طريق التهلكه روحـه حذفهـا
  لين شيّع والدينـه عُقْـب ماشيّـع اخوانـه
• والعيون اللـي تدامـع وا اسفهـا وا اسفهـا
  مالها غير الدمـوع ودبـرة الله جـل شانـه
• منهو اللي خطط الديره ومنهو اللـي رصفهـا
  ومنهو اللي سكّر دروب السيـول بخيرسانـه
• ومنهو اللي وقّع صكوكه وهـو خابـر تلفهـا
  ومنهـو اللـي داريٍ عنهـا ولاطلّـع بيانـه
• ومنهو اللي من كثر ماياخذ الرشـوة ولَفْهـا
  يوم ولّيته على الامـه تحَسْـب انّـه تكانـه
• كلّهـم قـدّام عينـك شـلّـةٍ والله كشفـهـا
  وانت عاد ابخص وتدري ويش ماجوب الخيانه
• ياتجي عبره ومنها يعتبـر مـن جـا سلفهـا
  ياتروح نفوس من ماتوا على ذمـة الامانـه
• .
  .
  .
• 
  شعر / سعيد بن مقبل الأكلبي
• 
  

قصيده رائعه صح لسان الشاعر
وسلمت اخوي على الذوق الراقي
تقبل مروري

شكرا لمرورك العطر( اخــــــــ انا ـــــــوك)

نورت الصفحه
لك تحياتي

قصيدة جميله جدا

سلمت يمناك اخي الذوق الرفيع