انا فارس احلامك وانا فارس الميدان

تفوح آلمشآعر بالطرب واعذب ألالحان=
ويزيد آلغلا والشوق في وسط وجداني=
على الصاحِب إللي سبب الصد والهجران=
خذ القـلب في راحت كفوفـه وخلانـي=
وإلا من ذكرت أسمه مع جملة الخلان=
بزين القوافي واللحن هاضت أشجاني=
أصوغ المثايل والحِـكم ياغصيـن البان=
ولجلك تجي القيـفـان كالمزن هـتاني=
وياسـلـوة أيامي وياقُرة ألأعـيـــان=
غيابك وبُعدك عذب الروح واشقـاني=
تعال انتظر شوفـتك ياغالي الاثـمان=
بقربك يزول الهم وتـشـتـت احزاني=
انا اعشقك واحبك وعندي لك البرهان=
وخذ ماتبي لوكان من دم شريـانـي=
مقرك سواد العين وإللحافك الاجفان=
ولك منزلاً ماحل به واحداً ثــانــي=
وعمرت لك قصرالهوى شامخ البنيان=
وغـيرك من الاصحاب قفـلت بيباني=
اخفي عن العالم وانا العاشـق الولهان=
على شان مـايدري عدوك وعدوانـي=
أعدك من ألأحباب مدري من ألأخوان=
تبي الصدق ماحبيت مثلك ولاإنساني=
غلاك وغرامك زارعاً بالحشا بستان=
تملكـتني واصـبحت حاكم وسلطـاني=
ولوقُـلـت اباشـبهك باللول والمرجان=
طلعت أنت ياقوتي ولولي ومرجاني=
شـبيه القمـر والله محليـك يـافتـان=
جمالك سحر هاروت والحُسن رباني=
وانا فارس احلامك وانا فارس الميدان=
ولجلك فرشت ألأرض ورداً وريحاني=
وصورتك مرسومه في القلب والأذهان=
وسـطرت لك عذب القوافي بديـوانـي=

بقلم/ابوخالد