الموت هين والبلا وش ورى الموت

جاني وانا في وسط ربعي وناسي *** جاني نشلني مثل ما ينشل النـــاس

مني نشل روح تشيل المآســـــــي *** تشكي من ايام الشقى تشكي اليـاس

اثر الالم في سكره المـــوت قاسي *** ماهالني مثله وانا انسان حـــساس

جابوا كفن ابيض مقاسه مقاســــي*** ولفوا به الجسم المحنط مع الـراس

وشالوني اربع بالنعش ومتواســي *** عليه ومغطى على جسمي البـــاس

وصلوا علي وكلــــــهم في مــآسي *** ربعي ومعهم ناس من كل الاجناس

ياكيف سوا عقبنا تاج راســــــــي *** وامي الحبيبه وش سوى بها الياس

اسمع صدى صوت يهز الرواسي *** قولولها لاتلطـــم الخــد ياناس

قولولها حق وتجرعت كاســـــــي*** لاتحترق كل يبي يجرع الكـــــاس

اصبحت في قبري ولابه مواسي*** واسمع قريع نعولهم يوم تـــــنداس

من يوم قــــــفوا حل موثق لباسي*** وعلى رد الروح صوت بالاجراس

هـيكل غريب وقال ليه التــــــناسي*** صوته رهيب وخلفه اثنين حـــراس

وقف وقال ان كنــت يانـمر نـاسي *** هاذي هي اعمالك تقدم بكـــــراس

ومن هول ماشفته وقف شعر راسـي *** وانهارت اعصابي ولاارد الانـفاس

وذكر ان الذكرا تنفع المؤمنين

أخي الكريم/ الفتى الذهبى

وكل عام وانتم بخير

اللهم احسن خاتمتنا يا كريم واجعنا من الآمنين يوم لاأمن إلا امنك ولاظل إلا ظلك

شكرا اخي الفتى الذهبي على تميزك

وجعل الله هذا الموضوع في ميزان حسناتك انه كريم مجيب

جزيت خيراً ونسأل الله أن يغفر الزلات ويقبض أرواحنا وهو راضٍ عنا .

أبو عامر
أبو فواز
ابو فهد

شكرا لكم على المرور وكل عام وانتم بخير وعيد سعيد

الفتي الذهبي

اليل الضرير شكرا لك على المرور العطر يعطيك العافية