مجاراه جديده مع ابو سامر السحاري

مجاراه جديده مع الشاعر ابو سامر
ابو حمد الريثي👇🏼

دام شــعري قد يجي لي في غزاره
بأرسم الابيات من لســـــني وفكري

جيت بالاشعار ماهي مســــــــتعاره
والــذي مــــــــا قـــد درى لابد يدري
==========
ابو سامر السحاري 👇🏼

مرحبا واســــمك تعلى في الصداره
شاعرن مبدع ولك اســلوب سحري

والشـــــعر عندي وقد خضنى بحاره
عل هجيني ولا مســحوبن وصخري
==========
ابو حمد الريثي👇🏼

مرحـــــــبا ملـــــيون يامـــدير الاداره
شـــاعرن معروف في وزنن وشعري

انعم انعم قلتها ياهل الشــــــــطاره
قول ابوســـامر وسامن فوق صدري
==========
ابو سامر السحاري 👇🏼

تســــلم وتبقى عدد ما الوقت داره
واعدد ما الســــــيل بالوديان يجري

ولا عليكم زود يا شــــــــبل النماره
صيتكم معروف مثل البدر يســــري
==============
ابو حمد الريثي👇🏼

مثلكم في القلب نحفـظ له وقــاره
يالســـحاري لك غلا لو منت تدري

منك نتعلم تمـــــــــــــارين المهاره
والشـــعر لاشفت قولك قام يطري
========
ابو سامر السحاري 👇🏼

انتظر بالله اولع لي ســــــــــيجاره
واحبك القيفان وانحتها بصـــــخري

والله ان القلب به نار وشـــــــــراره
لاتقول اصـــبر ترى قد فاض صبري
-----------------
ابوحمد الريثي👇

ياالخـــوي كلن يفكـــر بخــــــتياره
وان نزل للسوق لقد لاباع يشري

كل سوقن فيه ربح(ن) ولاخساره
وانت فاهم باالذي قد فيه يجــري

مع تحيات ابو حمد الريثي

ماشاء الله عليكما كلاكما مبدعان
مجاراه جميلة جداً
صحت السنتكماونترقب لجديدكما

المشاركة الأصلية كتبت بواسطة قناص الجنوب

ماشاء الله عليكما كلاكما مبدعان
مجاراه جميلة جداً
صحت السنتكماونترقب لجديدكما

صح بدنك اخوي قناص الجنوب
اسعدن مرورك لاعدمنا تواجدك
تحياتي لك اخوك متعب الريثي

صح الله لسانك ولسان قبيلك
عز الله ماقصرتو ومحاوره طيبه وممتعه ولو كان بالود انها اخذت وقت اكبر نستمتع اكثر
يعطيك العافيه شاعرنا ع اتحافنا بكل جديد والف يسلموو

مجاراة جميله

نترقب الجديد

مجاره أكثر من روعه
صحت ألسنتكم شاعرنا ابو احمد والشاعر ابو سامر
سلم الفكر والبنان
تقديري
..

مجاراه رووعه ما شاء الله
صح لسانك ولسانه ابو سامر

المشاركة الأصلية كتبت بواسطة عطارد

مجاراة جميله

نترقب الجديد

الاخ عطارد الاجمل مرورك ياغالي تسلم
اخوك ابو حمد الريثي

المشاركة الأصلية كتبت بواسطة السفيره

مجاره أكثر من روعه
صحت ألسنتكم شاعرنا ابو احمد والشاعر ابو سامر
سلم الفكر والبنان
تقديري
..

الف شكر لك على مرورك ياالاخت الاستاذه السفيره
وللتوضيح انا لست ابو احمد انا ابو ( حمد) تحياتي لك

المشاركة الأصلية كتبت بواسطة بحه تليديه

مجاراه رووعه ما شاء الله
صح لسانك ولسانه ابو سامر

الاخت بحه تليديه صح بدنك ربي يحفظك
اخوك متعب الريثي

جميله جدا سلمت البنان على ما خطته هنا
ودووم تتحفنا بكل جديد ومميز منكم
يعطيك العافية يارب

ما شاء الله محاورة جميله ..
صح لسانك اخي حمد ولسان ابو سامر
وبانتظار كل جميل منك اخي .
دمت بخير ودام ابداعك ..

المشاركة الأصلية كتبت بواسطة ام هتان

جميله جدا سلمت البنان على ما خطته هنا
ودووم تتحفنا بكل جديد ومميز منكم
يعطيك العافية يارب

الاخت العزيزه ام هتان صح بدنك
والف شكر على مرورك تحياتي
لك اخوك متعب الريثي

المشاركة الأصلية كتبت بواسطة الحريصـي

ما شاء الله محاورة جميله ..
صح لسانك اخي حمد ولسان ابو سامر
وبانتظار كل جميل منك اخي .
دمت بخير ودام ابداعك ..

اخوي الاستاذ الحريصي صح بدنك
ولاهنت على مرورك وللتوضيح انا
ابو حمد ولست حمد تحياتي لك