حالي من الهوجاس والهم بايد

حالي من الهوجاس والهم بايد
كلمات شاعر الحرقان ذيب بن عايض بن غيده


حالي من الهوجاس والهم بايد @@تكفون يا اهل الطيب واهل العوايد
أسهر طوال الليل مماجرى لي @@و اظن سهر العين ما هو بفايد
كم من خطاب ارسلت ما جا ردوده @@وانشد ولا جاني علوم ن وكايد
أرسلت خطي للحباب وزهمتهم @@ روس الجبال النايفات النوايد
زهمت في آل جميح شيخ وقبيلة @@ واللي زهمهم ما يضده ضدايد
أزهم اهل العادات لطامت العدا @@ أهل الوفا والمدح وأهل المجايد
أهل البيوت اللي على العز تبني @@ في مزبن الخايف كتاب العمايد
كم سربة ن ابو شديد يقودها @@ يقودها لا هابها كل قايد
لا صعبت الدعوى وصارت ثقيله @@@ با ارمي بظني في وساع البنايد
وراعي الجمايل لازم اذكر جميله @@ وابين اسمه وانشره في الجرايد
زهمت فاهل الطيب والطيب شاره @@ هذاك مخطيها وهذاك صايد
يصيدها من كان جده يصيدها @@ واللي قصر عنها ضعيف العوايد
وانا غني ن بالرجال العوارف @@ ما ني فقير ولا مدور رفايد
يا الله يا معطي العطايا الجزيله @@ من مدة يدينك جزال المدايد
يا رب ترحمني وتنظر بحالي @@ صبرت صبرا شفت منه النكايد
فكرت في ربعن قريبن نسوني @@ وذكرتهم بمسجلات القصايد
الله يبيع اللي يبيع ابن عمه @@ وينساه لا شبت عليه الوقايد
وعيب على الرجال ياكل ذراعه @@ ولا فيه علم الا بدرس وشهايد
واللي يبي درب الجمالات يتعب @@ ودرب الجميل اليوم عسرن وكايد
وقت الرخاء ياخوي مافيه خوه @@ لاصار منت بخوي وقت الشدايد
الايام واجد والليالي طويله @@ وباقي من ايام السعاده شرايد
ان كان وقت الحر ماذقت نفعك @@ مابغاك لا هبت نسيم البرايد
بعت المره والاش في درع جنبك @@ وردوك عني لابسات القلايد
لا صار مابه عار والا حميه @@ فارقد وراسك راغبه في الوسايد
والله مزهم واحدن صد مني @@ غني عن فزعة كبار الفرايد
واللاش لا منك زهمته تعذر @@ وضوء حطبها راك تصبح رمايد
ضعيف الروابع لا تحطه عضيدك @@ وبدل دياره بالديار البعايد
اصبر ولو جارت عليك الظليمه @@ لا تشتكي تو العيون الزهايد
كم واحد بالسوق يذرع لسانه @@ وكسره بعظم الساق فوقه ضمايد
ولوا جبر كسوره وغطا عليها @@ نكشف غطا عظم كسوره بدايد
ازرع بدار العز تجني ثمرها @@ ويزيد ميزانك على كل زايد
وزرع عروقه بالصبخ والبطاحي @@ مايكسب الزراع عند الحصايد
وثوب العرا يعريك ترك لباسه @@ ماينفع الترقيع والثوب بايد
ماينفعك برق ن بعيد ن تخيله @@ وشوف المطر مسقا كبودن قدايد
ويابن ادم دنياك لاتفتخر بها @@ ماتنفعك لو كان عندك رصايد
ماينفعك من مالك الا جميلك @@ وماقدمت يمناك جالك سنايد
والطيب اليا مات كلن درابه @@ وقالوا فقيده من كبار الفقايد
والا الردي موته يساوي حياته @@ حتى ايش لو طويت عليه اللحايد
مما جراء هيضت بعض المثايل @@ وعلمن يفيد وعلمن ماهو بفايد
وصلاة ربي عد منشى مخيله @@ مخيلة ن فيها بروق ورعايد



منقول

ماشاء الله
كلماتها راقت لي حييل
تسلم شاعرنا المميز على جمال قلمك
وفقك المولى وأسعد قلبك
دمت بخير

لا صار وقت الحر ماذقت نفعك @@ مابغاك لا هبت نسيم البرايد

تسلم يمينك على الاختيار الموفق .. وصح لسان القائل .. راقت لي هذه الأبيات

مرحباً بك أخي أبو مسلم ..وحيّا الله هالطله

قصيدة رائعة وأبيات فيها الحكمة
سلمت أخي مفرح على الانتقاء الجميل
ويعطيك العافية

اختيار مميز وذائقة عذبة
تشكر اخي على منقولك الفاخر
دمت بسعادة

تراء الطيب الا مات كلن درابه @@ وقالوا فقيد من كبار الفقايد
والا الردي موته يساوي حياته @@ حتى إيش لو تطوى عليه اللحايد
عما جراء هيضت بعض المثايل @@ علمن يفيد وعلمن ماهو بفايد
وصلاة ربي عد منشئ مخيله @@ مخيلة فيها بروق ورعايد


كلمات وابيات توخذ منها الحكمه والفايده
صح لسان قايلها وسلمت يميناك استاذنا ع هذا النقل

طَآب ليٍ آلمَكوثْ هَنَآ
رآآآقٌ ليِ مآسطرتَه هذه آلحَروفٌ
يَسلٌمووو عَلَى الآنتقآء آلمميٍز
لآحُرمنًآ آلمولى هًذآ الهطًول آلجمَيٍل
لروَحِگ گلً آلوَد
تقبل مروري

تسلم يمينك اخي مفرح التليدي
على نقل هذه القصيدة الرائعة والمعبره
راق لي طرحك اخي بارك الله فيك ودمت بخير.

تشرفت بمروركم ومشاركاتكم

فشكرا لكل من شارك وعلق وقرأ

وفق الله الجميع لكل خير

قصيدة جميلة واختيار جميل ومميز

دام ابداع قلمك ابو مسلم وفقك الله