قلت الوداع...... وجاوبت دمعة العين

قلـت الــوداع وجـاوبـت دمـعـة العـيـن

تـجــرح بـسـاتـيـن الــخــدود الـنـديــه

وغمضت وشفت بعينها الحزن حزنين

وصاحـت علـى الفرقـا انـا مــو قـويـه

وجاوبتـهـا ارجـــوك تكـفـيـن تكـفـيـن

والله دمــعــك يـشـعــل الــنـــار فــيّـــه

وقـالــت تعـاهـدنـي عـهــاد المحـبـيـن

الله حـسـيـب الـلــي يـخــون بـخـويّــه

قلـت ابشـري والـلـي خلـقـك لاتظنـيـن

حـــرااااام مـاغـيـرك عـشـقـت آدمـيــه

وقصّت شعرها قلـت انـا وش تسويـن

قـالـت ابــي مــن غـرتـي لـــك هـديــه

ونادتنـي الغربـه عـلـى الـهـم والبـيـن

احـسّــب الأيــــااااام روحــــه وجــيّــه

وفـي كـل ليلـه ترتـسـم بـيـن رمشـيـن

خيـالـهـا بــيــن الــرمــوش الـشـقـيـه

غربـة سنـه فـي ذمتـي غـربـة سنـيـن

متـى علـى الله يلتقـي الـحـي حـيـه
??
خـلاص هـانـت مابـقـى غـيـر يومـيـن

خــلااااااااص قـفّـت غـربــةٍ جـرهـديـه

ورجعـت شوقـي فـي خفوقـي براكـيـن

ورجـعــت انـــا كـلــي لـهــا جـاذبـيــه

وسألت ما ردّوا وانا اصيـح هـي ويـن

وكــلٍ نـثـر مــن داخــل الـعـيـن مَـيّــه

وفـي معمعـة حـزنـي تلقـيـت رمحـيـن

قــالــوا تــوفــت غـافـلـتـهـا الـمـنـيــه

وفـي غرغرتهـا ماذكـرت غيرحرفـيـن

تـشـهــدت بـسـمــك شــفــاه الـبـنـيــه

وتزاحـمـت فــي داخـلـي ألــف سكـيـن

والـحــزن يطـويـنـي ثـمـانـيـن طــيّــه

صدمه وجابتني علـى الارض نصفيـن

وشـلـون راحــت دون ذنــب وخـطـيـه

تكـفـون دلـونـي على القـبـر هالـحـيـن

مـاعــااااد فـيـنــي لـلـصـبـر مـقـدريــه

ووقفـت اطـالـع قبـرهـا بـيـن نصبـيـن

وجلسـت اضـم اغلـى النصايـب علـيّـه

واصيـح وش بـك يـا غـلا مــا تـرديـن

اشتـقـت هـمـس إشفـاهـك النرجـسـيـه

وش فيك جيـت مـن السفـر مـا تهليـن

مـاهـي بـلـك عــاده ولا انـتــي رديـــه

وحاولت في لحظة جنون اجرح الديـن

وازيـــح تـربــة قـبـرهـا فــــي يــديّــه

وبالغصب شالوني حشـا تقـل مسكيـن

واصـــــرخ بــهـــم والله والله حـــيّـــه

اقـفـت وتـاهـت بــي جمـيـع العنـاويـن

والـحــزن يـلـعـب داخــلــي سـامـريــه

ورجعـت لـدروب الشقـا قـبـل عامـيـن

مـدري مـن اللـي صــار فيـنـا ضحـيـه

سلمت الأنااامل ...

ربي يعطيك العافيه

لك مني اجمل تحيه

وتقبل مـــروري

شكرا لك اخي الكريم فتى الربوعه على المرور العطر بارك الله فيك

الفتى الذهبي
سلمت يمناك قصيده جميله لاعدمنا جديدك
تحياتي لك تقبل مروري

شكرا لك اخي الكريم ابو بدر على المرور العطر بارك الله فيك

صح لسانك وسلمت يمناك
تقبل تحياتي وتقديري

شكرا لك اخي الكريم مجموعه انسان على المرور العطر بارك الله فيك