هذا رساله وانتظر ياصاحبي رد الجواب

اخاف أجيب العيد قبل العيد ياسمح الجناب
واخاف اسولف لك وهقواتي تخيب ظنونها

حاولت المّح لك واخاف تقول جانبت الصواب
إحترت ون دربٍ(ن)يوديني قِلاع احصونها

مدري منين أبدا وكيف اشرح لها نص الخطاب
ودي بكلمـة يـوم تسمعهـا تلـد عيـونـها

احيان أقول إني جري واحيان اقول الانسحاب
أفضل من إني أقول كِلمة وانقتل بغبونها

أرفق بحال إللي مصوّب من سهومك والحراب
خليتني قِصة مـع كل العـرب يروونها

ياليتني بيديك ياكل الغلا صفحة كتاب
من شان تقراني والأسطر تكتشف مضمونها

يمكن تحن عليّ واللقى راحتي بعد العذاب
وانسى الجروح الغايرات إللي ذبحني كونها

هذا رساله وانتظر ياصاحبي رد الجواب
عساك تقراهـا وتفهـم ويش هو مكنـونها

بقلم/ ابو خالد

اشتقنا لقلمك الجميل ابو خالد

احيان أقول إني جري واحيان اقول الانسحاب
أفضل من إني أقول كِلمة وانقتل بغبونها

أرفق بحال إللي مصوّب من سهومك والحراب
خليتني قِصة مـع كل العـرب يروونها

ياليتني بيديك ياكل الغلا صفحة كتاب
من شان تقراني والأسطر تكتشف مضمونها

ماشاء الله شاعر متمكن وابياتك جزلة
لا تحرمنا هذا الجمال
صح لسانك وعلا شانك

اخاف أجيب العيد قبل العيد ياسمح الجناب
واخاف اسولف لك وهقواتي تخيب ظنونها

عدت والعود احمد يابوخالد
سلم مكنونك ومنطوقك
شاعر كبير تكتب بقلم متمكن وقوي
يسلموو يابوخالد ع اتحافنا بهذي الصفحه الجميله

ياليتني بيديك ياكل الغلا صفحة كتاب
من شان تقراني والأسطر تكتشف مضمونها

يمكن تحن عليّ واللقى راحتي بعد العذاب
وانسى الجروح الغايرات إللي ذبحني كونها
......
رووعة واكثر من رووعة
منور يا الشاعر المتألق
وصح لسانك يا ابو خالد واعتلا شانك
دمت ودام نبض قلمك الرااقي

عروبة وطن

صح الله بدنك وشاكر لك ومقدر
على مرورك وجمال حضورك
دمت وسلمت

اخي الغالي/ تميم

صح بدنك وجعلك تسلم
اسعدني مرورك وكلماتك الجميله
أسعدك الله أينما كنت

ام هتان

الأروع مرورك والنور بوجودك
وصح الله بدنك
وشاكر لك ومقدر

ياابو خالد سلامي لك قبل مابدى مع الاحساب
رفيع المستوى مثلك له التقــــــــديروالكلمه نبرهنها
كلامك ذوق والمعنى عسل مجرى طابلي وطاب
ولايحتاج افسر ماتقوله ظاهر الكلمه وباطنها


حياك ابو خالد
صح السان وعتلاشانك
وبارك الله فيك انت قدوة الشعراء لك تقديري وحترامي
ننتظرجديدك القادم
اخوك السعيدي

ياهلا وغلا بأخي الغالي/ ملك الشرق
وربي يسلمك ويبقيك والله يرفع قدرك ويعلي منزلتك
وصح بدنك ومرورك اسعدني
اسعدك الله في الدنيا والآخره
وكل الشكر لسموك

ياليتني بيديك ياكل الغلا صفحة كتاب
من شان تقراني والأسطر تكتشف مضمونها

شاعر فوق العادة
وهذه الابيات كل من يقراها يحتار في كل بيت اجمل من الاخر
روعة روعة روعة هذا اقل ما يمكن قوله هنا
صح لسانك واعتلى شانك

ارحب ارحب مديرنا الغالي/ ابا فواز
تشرفت بمرورك وتعليقك الجميل
والذي هو بمثابة دافع معنوي وتشجيع على المزيد
حفظك الله واسعدك وصح بدنك
واسأل الله لايحرمنا وجودك
تحياااااااااتي لسموك