ضوء في وسط الظلام ...روايتي ..على عدة فصول

:مساء الخير أخوتي آل تليد
الليلة عاد لقيت عندي شوية فضاوة قلت بجرب
قلمي بالروايات عادة أميل لكتابة القصص القصيرة
لكن هالمساء بجرب رواية وعلى عدة فصول
لو شفت بيه نجاح وتفاعل كملت وإلا ........
طبعا بيكون مباشرة لهنا وحصرية أيضا
ماتنسوا الختم واللايك والتقييم


نغم القحطاني

ماتعرفي تسكتي الولد يا أم خالد؟؟
قالها أبو خالد بضجر والعصبية تبدو جلية في صوته
تنهدت أم خالد وش السواة يابو خالد
الجو حار ورطب والظلام مخيف جدا
صوت من الخلف ياربي صار لنا ساعتين من تعطلت السيارة هنا بها الطريق الصحراوي
ولا مرت سيارة وحده وو.....
قاطعها صوت آخر أقول عن الهذرة شذاوي كلها أفكارك مو أنت الا قلتي ودك بطلعة
قاطعتها شذا أيه الحين حطي الحق علي ندووش انت وخلودي وطلال ..
خالد وطلال بصوت واحد واحنا وش خصنا انت وشذا دوم مثل القطاوة تخربشون في بعض
ضحك أبو خالد وهو يقول: حتى بوقت مثل هذا ماتبطلون نجره
قالت ام خالد :بصدق يابو خالد حنا بمحنة الطريق خلاوي والمكان موحش ..
وانا خايفه وفيصل الصغير تعب من الصياح ..
ايه ايه من عرفت نفسي وحنا ماغيرنا هالسيارة الا المفروض يحطوها بالمتحف هكذا قالت شذاوي
طلال: اقول حمدي ربك غيرك مو لاقي
ام خالد : اسكتوووووا بالله عليكم ..
خالد يبه ليه منت راضي نتصل بأي احد يجي
قاطعه ابوه قلت لا يعني لا وياويل حد منكم يجيب سيره ان السيارة عطلت بنا ...
خيم الصمت على الجميع ماعد ذلك الصغير
وام خالد تهمس يابو خالد خل هالعناد محد بيقول شي الاهل لبعضهم
قلت لا رددها بعصبية
....ندووووش
...وش بك شذاوي ماتسكتي
شوفي هالضوء الجاي من بعيد؟؟
أنتبه الجميع لتلك السيارة الفارهة
التي تنطلق بسرعة جنونية على ذلك الطريق الخلاوي
حين أقتربت السيارة ووقفت بمحاذاتهم ..
بدا الهلع على أفراد اسرة بو خالد البسيطة التي كساها الخوف جليا
نزل شاب طويل ...ملابسه وجواله ..تدل على أنه من أسرة ثرية ...
سألهم وشش بيك ياعم؟
سيارتنا تعطلت هنا ومو عارفين كيف نتصرف؟
تكلم خالد ...
نظر ابو خالد للشاب طويل الشعر وصوت الموسيقى الصاخب ورائحة الدخان تنبعث من بين ثيابه
أنتابه خوف من هذا الشاب الغريب
أمسك الشاب جهاز جواله واتصل ثم قال بسرعة لا تتأخر العائلة عندهم بزارين الموقع هالحين بيجيك ..
جلس الشاب متكئا على باب سيارته وهو ينظر لساعته ..
وووووو شوفي ندووووش ساعته اووف مدري كم قيمتها؟
أكملت ندوش
وإلا سيارته وجواله ..شوفيها كيف
الأم :اقول اسكتوا يابنات عيب فضحتونا..
طلال : تصدق ياخالد أنه بعمرك بس ويييييين انت وين هو؟؟
أبو خالد : مدري ليه قلبي مو مطمن ياأم خالد أخاف ليكون كتصل في عصابة ..أو شيء؟؟
ابتسامة الشاب الساخرة :تدل على أنه سمع حديثهم ..وهو ينظر لساعته بتملل!!
...أقبلت سيارة أخرى سوداء وأقتربت السيارة من العائلة ..
الشاب يقف بقامته المديده وهو يقول : وش هالتأخير كله؟؟
خيم الصمت على عائلة أبو خالد وهم يشاهدون تلك السيارة الطويلة السوداء تقترب منهم ..
تشبث كل منهم بالآخر ..
ومد أبو خالد يده نحو درج سيارته فتحه بهدوء وأخرج مسدسا ...
وهنا ينتهي الجزء الأول
ماهو المصير الذي ينتظر عائلة أبو خالد؟؟؟؟
.
.
.
هذا سنعرفه في الجزء القادم
إن حاز على إعجابكم
.
,
.
في ساعتها
نغم

ماشاء الله نغم وتكتبين قصص
زين والله تستغلين الفضاوة ف يموهبة الكتابة
سلمت يمينك
قصة مشوقة
توضع في التنبيهات ولايك وتقييم والختم

مشاالله عليك

نغم

صراحه مبدعه من البدايه والايحتاج ذكرتجربه

لويدرون عنك ممثلين الدرامه في الكويت طلبو منك هذه القصه او الروايه الدراميه

بالتوفيق ننتظرمنك راويه عن تسابق الناس الجلب اكثر كميه من المواد الغذائيه في رمضان

والجميع يعلم رمضان العام والسنه هذه مافي افطارصايم

شكرآ بحجم السماء نغم وبالتوفيق السموك

الله يستر ع عائلة ابو خالد هههه
قصه مشوقه ومحمسه.
يعطيك العافيه نغم
وسلم القلم اللامع
دمتِ بود
وننتظر باقي القصه
ولك الحصريه بجداره.

الله اعلم انه اطلق عليه رصاصة الرحمه وراح فيها راعي السياره الفارهه ههههه
جميل ورائع نغم هذي المحاولات ونافذة لابداع اكبر
سلمتي وبانتظار الحلقه الثانيه 👍

الله يستر

دام فيها ابوخالد

لازم نتابع الاحداث حتى النهاية

يعطيك العافيه نغم
وسلمت اناملك

متابعين يا نغم..
عجبتني وقفة التشويق والإثاره هنا.
ننتظر الجزء التالي لمعرفة الأحداث التي
تنتظر عائلة ابو خالد.
شي جميل يا نغم فكرة كتابة القصه القصيره
حاجه جديده ونافذه للإبداع
متابعين معاك الله يعطيك العافيه.

وصار لك متابعين الآن ومنتظرين للجزء القادم
هذي السفيره خائفه على عائلة ابو خالد
وتبي تتطمن على وضعهم في الجزء القادم
وهذا تميم صار متوقع بعض الأحداث القادمه
وهذا ابو خالد متشوق لأن اسمه مطابق لاسم
احد ابطال قصتك.

شكراً لكِ نغم على هذا التشويق
وهذه النافذه الجديده والجميله
يعطيك العافيه وسلمتِ.

لي عودة للتعليق والمتابعة
ولاكمال الجزء الثاني
إن شاء الله

فعلا اللي يقول انك مبدعه هو منصف
موهبة رائعة ولها مستقبل كبير بشرط مواصلة الكتابة والاحتكاك
كانت الرواية جميلة وتوحي بان الكاتب متمكن
ولديه ابجديات كتابة الروايات بشكل جميل وفق اسس علمية
لتسلسل الافكار وصياغة الرواية
حوار جميل وحبكة اروع
انا منبهر بقلمك ربي يسعد قلبك
تقييم اعجاب

المشاركة الأصلية كتبت بواسطة عروبة وطن

ماشاء الله نغم وتكتبين قصص
زين والله تستغلين الفضاوة ف يموهبة الكتابة
سلمت يمينك
قصة مشوقة
توضع في التنبيهات ولايك وتقييم والختم

وبعد ماشفتي شي هههههه بتجي الإجازة وتطلع المواهب
الله يستر
مشكورة لبااااك احلى عروبة

المشاركة الأصلية كتبت بواسطة ملك الشرق

مشاالله عليك

نغم

صراحه مبدعه من البدايه والايحتاج ذكرتجربه

لويدرون عنك ممثلين الدرامه في الكويت طلبو منك هذه القصه او الروايه الدراميه

بالتوفيق ننتظرمنك راويه عن تسابق الناس الجلب اكثر كميه من المواد الغذائيه في رمضان

والجميع يعلم رمضان العام والسنه هذه مافي افطارصايم

شكرآ بحجم السماء نغم وبالتوفيق السموك

ههههههه أجل بصير مؤلفه
الله يسعدك أخوي ملك الشرق
وشكرا لك ولحضورك المميز

المشاركة الأصلية كتبت بواسطة السفيره

الله يستر ع عائلة ابو خالد هههه
قصه مشوقه ومحمسه.
يعطيك العافيه نغم
وسلم القلم اللامع
دمتِ بود
وننتظر باقي القصه
ولك الحصريه بجداره.

شكرا لك يارائعة
باقي التشويق والدراما بس اخلص اختبارات وجايتكم بالحدث

المشاركة الأصلية كتبت بواسطة تميم

الله اعلم انه اطلق عليه رصاصة الرحمه وراح فيها راعي السياره الفارهه ههههه
جميل ورائع نغم هذي المحاولات ونافذة لابداع اكبر
سلمتي وبانتظار الحلقه الثانيه 👍

جايتكم الحلقة الثانية قبل لا تبدا الاختبارات
ويسعدكم على الدعم والتشجيع

المشاركة الأصلية كتبت بواسطة ابوخالد

الله يستر

دام فيها ابوخالد

لازم نتابع الاحداث حتى النهاية

يعطيك العافيه نغم
وسلمت اناملك

حياك الله أخوي أبو خالد والنعم فيك
ويعافيك للمتابعة
نغم