أتعبنـي التفكيـر لو ما حكينا

ياصاحبـي منك البطى ماهقينا
ألدار بعدك ضاق من ساكنينه

لاتحسبنا عـن هواكـم سلينا
كل المشاعر في غيابك حزينه

ذِكـراك مـازالـت بعـد تحتوينا
وأُسمك على صدر الورق كاتبينه

عامين واكثر ياالغضي ماألتقينا
غبينـةٍ(ن) مابعـدها من غبينـه

أتعبنـي التفكيـر لو ما حكيـنا
وصبرت وجروحي بقلبي دفينه

تدري بعد غيبتك وش صار فينا
صاحِبك والله ماهنى النوم عينه

على صدودك والهجر مارضينا
وصدري على فرقاك بيّح كنينه

غالـي ولو طوّل غيابك علينا
الـودّ باقـي والعــلاقه متينه

وفيك ماأسمع هرجت العاذلينا
وإللـي يهينك جعـل ربي يهينه

لك الغــلا ياصاحبـي ماحيينا
قدرك كبير ومانحن مرخصينه

على الوفأ والطيب حِنا إبتدينا
وراعي الثمينه له نُقدم ثمينـه

بصبر وبتحراك وش في يدينا
مادام حدتك ألظروف اللعيــنه

الطيب والمعروف مزروع فينا
أموت ماأحمل لك بقلبي ضغينه

وأهل المثايل من قديم ألسنينا
قالو من أجل العين تُكرم مدينه

بقلم/ابو خالد

الطيب والمعروف مزروع فينا
أموت ماأحمل لك بقلبي ضغينه






يعطيك العافيه شاعرنا
بانتظار مزيد من ابداعاتك

على الوفأ والطيب حِنا إبتدينا
وراعي الثمينه له نُقدم ثمينـه

ابيات لا غرابة في روعتها كونها من شاعر كبير
قصيدة كل مافيها جزل
وافية ومليئة بالمعنى والثقل الشعري
الذي لايجيده إلا شاعر متمكن
انت مبدع اخي ابو خالد
صح لسانك ولا حرمنا جديدك

لاتحسبنا عـن هواكـم سلينا
كل المشاعر في غيابك حزينه

ذِكـراك مـازالـت بعـد تحتوينا
وأُسمك على صدر الورق كاتبينه

عامين واكثر ياالغضي ماألتقينا
غبينـةٍ(ن) مابعـدها من غبينـه

أتعبنـي التفكيـر لو ما حكيـنا
وصبرت وجروحي بقلبي دفينه

تدري بعد غيبتك وش صار فينا
صاحِبك والله ماهنى النوم عينه

على صدودك والهجر مارضينا
وصدري على فرقاك بيّح كنينه

يخوي والله عجزت اختار اجمل بيت
كل بيت لحاله قصيدة
قلمك بسيط وواضح وجميل والمعاني تصل للقلب بسرعة
صح لسانك وصح فكرك وقلمك
وجمعك الله بمن تحب دوما

ترانيم المطر

تشرفت بمرورك العاطر وحضورك الجميل
وفقك الله واسعدك ودمت كماتحبي
وكل الشكر لك

أخي / ابو فواز

هلا وغلا ومرحبا ملاييين
حضور مبهج ويضيف هيبه لمتصفحي
صح الله بدنك ي غالي
وشاكر لك على مرورك وتعليقك العاطر
دمت برعاية الرحمن
وتحيه عاطره لسموك

عروبة وطن

حياك الله على هالمرور الفخم والمشجع
وشاكر لك ومقدر على تعليقك الاكثر من رااااااائع
دوم يسعدني وجودك طبت وطابت أيامك

سلم نبضك ابوخالد
وسلمت على ذوقك الرفيع
ولك كل التقدير والإحترآم

مع التقييم والنجوم ..

ندى الجنوب

تبقى احرفك هُنااً نوراً ساطع يزيد متصفحي كمالاً وجمالاً
شكراً لك على هذا الاطراء العطر
والاعجاب والتقييم محل تقديري
بارك الله فيك وأسعدك

لاتحسبنا عـن هواكـم سلينا
كل المشاعر في غيابك حزينه

ذِكـراك مـازالـت بعـد تحتوينا
وأُسمك على صدر الورق كاتبينه

.......
ياجمااال الابيات كلها روووعة
واكثر من روعة وخالقي
دمت يا ابو خالد بهذا الجمال
ربي يحفظك

ام هتان

حياك وبياك والأجمل والأروع هُنا
هو مرورك وتواجدك الجميل
جمل الله حالك ولايحرمنا تواجدك
شكراً واسعدك الله أينما كنت