رمضان يجمعنا .!

وين التعاليل والسوالف..
وين الشنب تميم.
ووين الخطيبه المفوهه مهاوي العتيبي.
وين العرب كلهم..

تقصد ي الحريصي نسأل تميم
قبل لاينتهي وقته.
خله يتواجد وترد مهاوي
وتعطينا الضوء الأخضر 😇

المشاركة الأصلية كتبت بواسطة تميم

الشاهي ع النار ومتكي
اولا الله يتم لنا هذا الشهر والجميع بصحه وعافيه ويعينا فيه صيامه وقيامه ويجعلنا فيه من المقبولين
صراحه رمضان السنه هذي نقول بداية خير ان شاءالله مو زي العام حجر وحرمان من الصلاه والزيارات وجو الروحانيه المعتاده في هذا الشهر
البرنامج والله انه ع حسب صراحه افضل تكون اجازاتي دايما برمضان لكن السنه هذي ما الله كتب والظاهر بيتلخبط الجدول والا بالعاده نوم بالنهار حتى الظهر والعصريات هذا لازم امر السوق الرمضاني اشوف وش عندهم شي ينوكل ارجع البيت اعد الدقايق والثواني حتى يأذن وبعد التراويح دلة قهوه وتكوه ومعين من الله خير واطلع اقضي اشغالي وارجع اعد الدقايق والثواني الساعه 4 سحور وصلاه ونوم و ع ذا الموال
ومامن وجبات والله لكن الشوربه والسمبوسه طبق رئيسي عندي وعاد السحور ما اتشرط الحاصل يمشي عندي ولا اقول لا
طبعا ماهنا مواقف تذكر صراحه ولكن يكفي ذكريات زمان في هذا الشهر كان كل شي له متعه خاصه مثل البرامح الرمضانيه كم كان وكان في برامج ومسلسلات لاتنسى وباقيه بالذاكره لليوم
هذا شي بسيط والا السوالف ماتخلص لكن كتبت حتى تعبت وخلص البراد
ويسلموو مهاوي لاطروحاتك المختلفه والمميزه دووووم

اللهم امين يارب
ايوا الله السنه هذي ربي عوضنا نحمدالله ونشكر فضله
العام شوارعنا كأنها مدينة اشباح مابه احد 😫
إكتأبت وربي ..

مشاء الله ع برنامجك نوم وطلعه وتعد الدقايق😁
اهنيك بصراحه دنتا عايش بالطراوه هههههه
طيب بغينا والله حواديت اكتر لكن من قلت الشاهي ع النار بالبدايه
ولا امدانا ناخذ الفنجال قلت
خلص البراد عرفنا انك بتكروتنا هههههههه
بعدين تعال اهم شي عندك شوربه وسمبوسه .!!!
مدري ليه احس فيه تضليل بالمعلومه هذي 😜
شكلك كذا راعي مقلقل عصيد جريش راس مندي 😂💔
.'


م قصرت ي شنب ويسلمك ربي

لاخلا وعلادم 🌹

المشاركة الأصلية كتبت بواسطة الحريصـي

والله جد داخله جو يا بنت عتيبه..
حسيت انك فوق المنبر والعرب يناظرونك.

ماعلينا مما سبق..
وحنا والله نحبك ونعزك ونقدرك.
المهم موضوعك حلو جداً جداً وانتِ احلا
ومرحباً بك وبضيفك الأول الشيخ تميم.

نمسي عليك يا شيخ..
ونقول لك شهر مبارك وكل عام وانت بخير
انطلق....

اي وتلوح بيدها الكريمه << تكبييير 😂💔

ياشيخ انت والله مثل م قال جورج سيدهم ( رجلٌ والرجال قليلُ)
يعجبني اللي يخوش معاي بالجو ويضبط الجلسه ههههه
تسلم والله ي حسن ولاعدمت طلتك وتواصلك اللي احووبوه
الشيخ تميم صار يرج من الصدمه يبغالوه ترصيص ههههه

المشاركة الأصلية كتبت بواسطة الحريصـي

ايه ماعليك فاصله اسلاك مخها
من الحراره والكرف في المطبخ.
مسكت معاها خطابه وزي كذا....

بكره تجيك فاصله غير شكل.

بس قسم أن درعمتها جميله ولذيذه
وتعجبني والله بنت عتيبه..

الفصله م بعد جات هذا تسخين 😜
اصبر بس بفصل عليك الليله ههههههه

يسلمك ربي يا ابن الكرام

ياجماعة عطو الشيخ تميم فرصىة ثانية
ترى عنده علوم وايد بس هو انصدم من المفاجأة
سمعوا مني وخلوه كم يوم على المنبر ، وتشوفون العلوم

المشاركة الأصلية كتبت بواسطة السفيره

هذي المقدمه أجمل مقدمه مرت بحياتي
هههههههع تفوز اتعب وانا اقول رووووعه
جد بسيطه وحلوه وتفتح النفس
ايه مهاوي شيلي الرسميات هههع
....
والله ي مهاوي بطله
الفكره متواجده كل سنه
بس برسميه وهاي السنه
من غير تكاليف خخخ
لكن روعه تعجبني هذه الأفكار
والسواليف <<عاشقة الهذره 🙃🤪
..
يعطيك العافيه مها
وتشكرين لهذا الحماس الغير
مستغرب منك.
..
المفروض نستفتح الطرح بك
انتِ مو تفجعين تميم هالفجعه ههه.

لكن تميم قدها وقدود 👌
..
يعطيك العافيه تميم واصل 😇👏
.....
ولو فيه تعليق او مداخله
ماراح يردني الا الكيبورد 😇
....
ختم وحصريه
يرفع لتنبيهات
لاعدمناك.
..

ي شيخه انتِ اللي تفتحي النفس
جد احب وجودك انتِ طاقه ايجابيه ربي يخليك لنا
ابشري بجي واهذري عليكم ع بالكم بسكت هههههه
بس ببدأ بالرووس الكبار 🥰

يعطيك الف عافيه م قصرتي والله
لاعدمناك ❤❤

المشاركة الأصلية كتبت بواسطة السفيره

مهاوي كم المده اللي يجلسها الضيف
بالاستضافه
مثلا ثلاث ايام يومين؟

يومين عشان ياخذ راحته وبعد الاعضاء
تقدر تعلق ع كلامه وكذا
بكره بإذن الله ضيف جديد 🌹

المشاركة الأصلية كتبت بواسطة عروبة وطن

ماشاء الله عليك مهاوي
انت زعيمة كل الفلات
لكن كان المفروض نبدأ في (مهاوي )
ما علينا ..
بما ان تميم تورط وجاوب ، نبي نعرف كم يوم بيستمر التحقيق والاستجواب لدى مخابرات مهاوي؟

تميم يعطيك العافية بس حاول اجاباتك تكون اطول
< بيحقد عليها تميم

ولايهمك عروبتنا
بجي واسولف معاكم ويتاخذوا راحتكم بالتحقيق معاي 😀
ايوا الله علميه هالتميم خليه يجي يسولف والبراد علينا 🤓
الاستضافه يومين اشوفها كافيه
سلمتِ عروبتنا حبيبتنا ♥🌹

المشاركة الأصلية كتبت بواسطة ندى الجنوب

كل عام وانتي بخير يامهموهه والشهر مبارك على الجميع ..
يازينك وزين طرحك يابنت العربان وكمان توصياتك عالمنتدى عجبتني
قدنا مبلطين وزاحفين / 😬

اما الدبغ شغال من اول يوم الله يعين معدنا علينا وبس

المواعين اكرهها كره ماصار ولا استوى ولا حطيت يدي فيها
عندي بنت الحلال الله يخليها لاهلها ويحفظ الديار الي جات منها / 😹😹
انا اكركب واقلب المطبخ فوقاني تحتاني وهي تشوف شغلها معاه ههههه
امس كان عندنا عزومه اهليه فطور وسحور
يعني المطبخ من زمان ماصار كذا
قلت يالله بساعدها شوي
والله كانها من ربع الجنوب
وتمسكني بيدي وتحلف مااسوي شي
قالت ماما انتي روح اجلس هناك مع اخت واخو انا اسوي كل شي
يالبى روحها والله اني احبها هالكينيه 🥰
بس اخاف تنتقم على اخر رمضان 😩😩

موضوعك فلاوي لاني احب المواضيع الي زي كذا
مافيها تكلف ولا رسميه ولا ردود منمقه
هيك على طبيعتنا الي جبلنا عليها 👌🏻👌🏻

اختيارك لتميم عجبني يستاهل خليه ينزنق ويحكينا عن برنامجه برمضان
علشان نشوف شعنده ماعنده والى متى بيفطر من يد البنقالي
يخي اقلب دوامك بالليل والا تقاعد وارتاح وربي بيرزقك من واسع فضله
هههههههههه
اهم شي ياذن المغرب وانتا في بيتك معزز مكرم وقدامك المائدة الرمضانيه
وعليها كل مالذ وطاب /
كتب الله اجرك ياتميم وتقبل منك صالح العمل ..
وترى سمبوستي وشربتي تفووز على كل السنابس والشرب
ان تبي هات العنوان وتوصلك لحدك 😋😵

نسيت نفسي واسترسلت بالهذره
يالله من رخصتكم بروح اقرا قران
وانتو لاتنسو كمان كل يوم جزء الله يبارك فيكم ويجعله ربيع قلوبكم ..

حبيبتي مهاوي
ادام الله علينا اطلالتك ومواضيعك الخنفشاريه الجميلة مثلك ..
تكفين ازنقي واحدن في بالي / وخلينا نشوف شعنده 😂😂

وانتِ بخير وصحه وسلامه يارب 🌹
يازينك انتِ وانا بعد احب الناس الفلاويه اللي تحب السوالف
والبساط احمدي
بصراحه في رمضان والمناسبات العائليه نحتاج والله من يفزع معانا
ربي يطرح لك فيها البركه ويعطيك خيرها ويكفيك شرها 😀
ترا عادي هالدعوه مو بس اذا الواحد اشترى السياره هههههه
الله يديم اجتماعاتكم في خير وع خير ويجعل البيت عامر بحس اهله
ابد ي ندوش خذي راحتك ع الاخر
مواري ليلة استضافتك بتكون زاخره بالسوالف والعلوم الطيبه ☺

تميم هذي احدى البرقيات المستعجله
تعال علمهم الى متى بتاكل من يد البنقالي وماهي الاسباب المؤديه الى ذلك

😜😂

ندوش اعطيني بس رقم سيارته واسحبه بونش هنا مين بس اللي ببالك
اضيق زاويه احشروه فيها 😁😈

المشاركة الأصلية كتبت بواسطة ملك الشرق

الاحترام الشخصيات البارزه يبدى بالاسم المرعب والرنان

عندما نشاهد على الشاشه او نتواجه في الطريق صدفه مع شخصيه خاصة من الرجال

لنا الوجه باين لانقص في شخصية المرأة ولكن الوجه خاصه البدويه تكون برقع او نقاب لاتبين غير الحواجب
لكن كلامها والمطيه التي تقلها كانت خيله اصيله او سياره فاخره

اكيد عابر سبيل يوجه لها سؤال من ايت عرب وعندما ترد انا من العتبان بيردد الف مره ونعم ونعم

بك وبقبيلتك العريقه دربك مفتوح الله يوفقك وتوصلي مناويك بالسلامه

تحياتي وتقديري الشخصك الكريم والضيفك على قولتك الشنب تميم

بالتوفيق الكما وشهرمبارك عليكما

ملك الشرق

ياحي هالطله
ارحب ارحب

والنعم بحالك ولاعليك زود يالطيب
اقلط تقهوى وراك عجل .! ☺

م عليك من براد تميم المخلص .. برادنا جاهز
هذا الوقت وقته بصراحه
المهم تعال اعطينا م عندك عن برنامج تميم واذا فيه شي بخاطرك ودك تسأله عنه
وجهز نفسك ترا بتجي ليله وتكون مكانه 😂💔

وعلينا وعليك يتبارك 🌹

المشاركة الأصلية كتبت بواسطة الحريصـي

وين التعاليل والسوالف..
وين الشنب تميم.
ووين الخطيبه المفوهه مهاوي العتيبي.
وين العرب كلهم..

ابد جهزت برادي وجيتكم
ابشر بالعلوم الزينه
صووت ع تميم م عاد شفنا اصطبه من البارح هههههههه

نبغى تميم يجي يسولف لنا..
خلونا من التهدد والتوعد.
ههههههـ
وحده تقول واحدن في بالي
وواحده تقول باقي الفصله ما جت.

الي على راسه بطحا يمسح عليها..

المشاركة الأصلية كتبت بواسطة السفيره

تقصد ي الحريصي نسأل تميم
قبل لاينتهي وقته.
خله يتواجد وترد مهاوي
وتعطينا الضوء الأخضر 😇

ي قلبي الضوء الاخضر شغال ع طول
ابد خذوا راحتكم

اسألوه علقوا ع كلامه مثل م تحبوا

🌹

المشاركة الأصلية كتبت بواسطة الحريصـي

نبغى تميم يجي يسولف لنا..
خلونا من التهدد والتوعد.
ههههههـ
وحده تقول واحدن في بالي
وواحده تقول باقي الفصله ما جت.

الي على راسه بطحا يمسح عليها..

ههههههههههههههههه
اصبر بس يجي دورك بنشب بحلقك 😜