لا تشتكي للناس لو كنت مطعون

لا تشتكي للناس لو كنت مطعون
والذم من بعض الخلايق مديحة
ولا تنحني للهم وتعيش مغبون
المستريح أهل العقول الصحيحة
لا صرت صادق قالوا الناس مجنون
ما يمدحون ألا النفوس القبيحة
وخلك صمود بوجه الأيام موزون
وما حرم الله إثم لا تستبيحه
والكبر لو به فايدة فاد فرعون
ومن ذاع سره بشّره بالفضيحة
والله لو يعطون لك مال قارون
ما شفت نفسك بالغنى مستريحة
أنفض هموم القلب وإبليس ملعون
وان ضاق صدرك أرض ربي فسيحة
أضحك وفل حجاجك أشفيك محزون
دنياك ما تسوى وخذها نصيحة
لو كانوا أصحابك يظاهون مليون
((نق الوفي منهم وخل النطيحة))

أنفض هموم القلب وإبليس ملعون
وان ضاق صدرك أرض ربي فسيحة


صح لسانك يابوفواز , ابيات جميلة جداً

شكراً لك

صح السانك يابوفواز
قصيده جميله وهي درس في الحياه
مليئه بالنصايح الرائعه
الله يعطيك العافيه