ياالغايبه عن عيوني لك بقلبي حضور

ياالغايبه عن عيوني لك بقلبي حضور
لكن على الله متى ونشاهد احضورها

من غيبتك يشهد الخلاق صدري يفور
كِنه على صالي النيران وسعورها

ثلاثه أيام حاسبها تساوي شهور
كيف آتحمل غيابك واحتمل جورها

الله يسامحك في هجري وربي غفور
والله يجيرك شقا ألأيام واشرورها

كُنت احسب إني على فرقا حبيبي صبور
جربت والنفس ضاقت واختلف طورها

أمشي وهوجس ولكني بليا شعور
حتى أكثر الناس مني ضاقت اصدورها

حالي بعدها مريض وزاد فيني الغرور
وعلتي ماعرفنا وين دكتورها

ماذقت طعم السعادة والفرح والسرور
كني بعدها يتيم ومفتقد دورها

خفيت عنها بعد ضمدت جرح الصدور
مابشرح السالفه خوف أجرح اشعورها

أشلت هماً على قلبي يكسر الظهور
لو شاله إجمال إظنه يكسر أظهورها

ياجعلها يانظر عيني تزين آلامور
وأزرع بساتين وأهدي لك من أزهورها

وياجعل ماصاب روحي ياغلاتي طهور
وقلوبنا بإذن ربي تجبُر أكسورها

تدرين لو كِنت عني سد سبعة بحور
إني لخاطر بروحي وأعبر ابحورها

لك الغلا والوفاء يبقى ليوم النشور
وذكراك يانور عيني ماطفى نورها

يابنت مسموح لك في القلب منفذ عبور
ومحبتك وسط صدري وأضلعي سورها

كتبت لجلك من الجزلات عِدة سطور
إقري وتلقين معناها في اسطورها


بقلم/ابوخالد

نحن نتعلم منك حسن الكلام وبديع البيان

ابيات جميلة

دمت متألق

اول شي مرحبا فيك مليون
وعودآ حميدآ ان شاء الله ..

قصيدتك جزلة ورائعة تنبض بالمشاعر والاحاسيس
سلم نبضك وبنانك والبيان
وصح منطوقك اخي خالد ..

تستاهل الختم والتقييم ..

اللؤلؤ المنثور

مشكوره على مرورك ووجودك العاطر لاهنت

ندى الجنوب
الله يسلمك ويبقيك وصح بدنك
وأشكرك على الترحيب وعلى التقييم
وفقك الله واسعدك

صح لسانك
قصيدة رائعة
كروعة كاتبها
صاحب الاحساس العذب
والبحر المتدفق
جزل قافية ومعني
يسلم ذوقك الراقي

ابوخالد اتعب وانا اقووول فنان
صح لسانك وسلمت يمينك ع هذي الكلمات الجميله الي اتحفتنا بها واستمتعت بقرائتها والصوله والجوله الخياليه في ثناياها
لايك ياشيخ 👍

اي والله فنان ماشاءالله تبارك الله
ابيااات معبره يتخللها الاعجاااب والاشتياق للحبيب
رووعه وجميله
كاااعودتك العطره
دمت ودام حضَوورك المميز
يستااهل ٥ نجوم كمان

المشاركة الأصلية كتبت بواسطة ابو فواز

صح لسانك
قصيدة رائعة
كروعة كاتبها
صاحب الاحساس العذب
والبحر المتدفق
جزل قافية ومعني
يسلم ذوقك الراقي

أرحب اخوي ابو فواز
وياهلا وغلا وشاكر لك ومقدر على حضورك
وجمال تعليقك الذي اسعدني وشرفي
صح بدنك ي غالي

تقديري لسموك

المشاركة الأصلية كتبت بواسطة تميم

ابوخالد اتعب وانا اقووول فنان
صح لسانك وسلمت يمينك ع هذي الكلمات الجميله الي اتحفتنا بها واستمتعت بقرائتها والصوله والجوله الخياليه في ثناياها
لايك ياشيخ 👍

ياهلا ومرحبا ملايين اخوي تميم
اسعدتني بوجودك الفخم وتعليقك الراقي
صح بدنك ولاهنت
وتحياتي العاطره

المشاركة الأصلية كتبت بواسطة ام هتان

اي والله فنان ماشاءالله تبارك الله
ابيااات معبره يتخللها الاعجاااب والاشتياق للحبيب
رووعه وجميله
كاااعودتك العطره
دمت ودام حضَوورك المميز
يستااهل ٥ نجوم كمان

ام هتان

ياهلا ومرحبا سعدت بتشريفك
ومرورك العاطر وكلماتك الجميله
شكراً لك ودمت كما تحبي