الصمت

لك كم سنة تسأل وأنا اقول بعدين
لا عاد تسألني عن أسباب هالصمت

بيني وبين الصمت عشره من سنين
واخاف اخون الصمت لا من تكلمت

بعض الحكي يوجع ولو كان حرفين
وش ينفعك لا من حكيت وتندمت

واجد جروحي... بس والله غالين
من كثر ما اغليهم إلى شفتهم قمت

جرحي ليا اقبل... قلت: يا جرحي اهلين
معروفه اني من عذابه تعلّمت

والا زماني لو ضحك عارفه زين
ماهوب يبطي لو بوجهه تبسمت

لا عاد أجل تطرح عليّه سؤالين
وش فيك ما تضحك؟.. ووش فيك ما نمت؟
شعر / فلاح السبيعي

صح لسانك أخي فارس الأبداع

فعلا أسم على مسمى وصح لسان الشاعر فلاح السبيعي


قصيده رااائعه بكل ماتعنيه

الكلمة هذا الأبداع والا بلاااااااش


ترى حنا بأنتظار جديدك القادم

لاعدمناك في هذا الصرح الجميل

قصيد روووعه صح لسان الشاعر وسلمت فارس الابداع على الاختيار الجميل تقبل مروري

الفتى الذهبي
قلم رصاص
شكرا على المرور الله يعطيكم العافيه

فارس الابداع
شكـــــري وتقــــــــديري لـــكــ عالموضـــوع المميــــز ..

دمــــــــــتــ بخيــــــــــر ..

قصيده جميله صح لسان شاعره
وسلمت اخوي فارس الابداع على الاختيار الجميل
تقبل تواجدي في متصفحك لك خالص تحياتي

أمــــــيـــــــرة
أخوك أنا
شكرا على المرور بارك الله فيكم

فارس الابداع
شكرا على هذه القصيدة الرائعة والجميلة
وتقبل مروري ...ولك مني اجمل تحية
ودمتم في حفظ الرحمن