من روائع الفيصل

~~~~~~~



كل ما نسنس من الغربي هبوب حمل النسمه سلام
و إن لمحت سهيل في عرض الجنوب عانق رموز الغرام

لك حبيبن ما نسا .. كلمته دايم عسى
اطلب الله وارتجيه .. صبح يومي والمسا

كل زين اشاهده وانتم بعيد منوتي ليتك معي
و إن سهرت الليل اهوجس بك واعيد هل لاجلك مدمعي

وانت هاجس خاطري .. و انت فرحة ناظري
يا قريب و يا بعيد .. فيك امس وحاضري

نشوتك تلعب مع قطر المطر .. و انتشى قطره معك
والسحاب يطاردك بين الشجر .. خالق الزين ابدعك

الندى في وجنتك .. صار عطر بلمستك
و الهوا غنى طرب .. تستثيره بسمتك

كلما ضمت عيوني منك طيف .. يا بعد كل الطيوف
قلت ما مثلك على الدنيا وصيف .. لا حشا مالك وصوف

لا سحاب ولا مطر .. ولا نسيم ولا زهر
ولا طيور ولا غزال .. ولا مع باقي البشر


~~~~~
للشاعر/ خالد الفيصل

صح لسان المبدع خالد الفيصل
وتسلم يمين الناقل

وتسلم كلك اخوي ابوفواز
لاعدمناك يالغالي

كمات رااااائعه من شاعر كبير
صح لسان الشاعر خالد الفيصل
ويسلم صاحب الذوق الرفيع من أختار لنا هذه القصيده ...

يسلم مروورك الرائع ابومنير
دمت بخير