وإنتهينا !

السلام عليكم ورحمة الله وبركاته





.![ عبدالله البكر ]!.

وإنتهينا !

والزمن يضحك علينا
لا بكينا !
والوداع اللي دريت إنه نصيبي ..
ياحبيبي ..
مو بيدينا !!


ماعلينا ..
أدري ظروفك قوية ياحبيبي .
يا حبيبي .
يا حبيبي .
وأكثر اللي بأفقده كلمة حبيبي !!


كانت شفاهك
تهجاها علي كنها قصيدة
مب جديدة
بس مامرت علينا



الغدير
مصدر هدير الماء .. نشف
الزفير ..
صوتي وأنا أتنفس .. وقف
وضاعت أنفاسي مابين الريح واللي صار فينا



صرت قاسي
صرت أصب أحلامي الحلوة بكاسي ..
وأكسره !
صرت أخاف أتذكره
وقبل ميلاد الظروف اللي احصلت لك
بعت ناسي !



صرت مثلك
صرت قاسي !
ما أحس برقة القمرا وهي تضوي جبينك
أو أحس برقة القمرا ولا أدري إنت وينك !



ياحبيبي .
ظنك الدنيا تنسينا بعضنا !
لك معي بأكثر تفاصيلي ملامح
إمسح أبياتي من الدنيا
وأنا والله مسامح !


من زمان
أتخيل إحساسي وأنا أودعك راحل
للحنين ..
لآخر حدود المدينة والسواحل
للسنين ..
اللي مثل جسمي وأنا ناحل
حبيبي .

يا حبيبي !
يا حبيبي !
يا أعز انسان يطعني وأنا راضي عليه
يا أحن أحضان ضمتني وأنا غارق بعيبي !
قول ليه ..


ليه أحس إنك تحاول من زمان
وآخر أيامك قدرت
لين بان !
نظرة الواقع بعينك
صورتي وآنا أدور عنك وينك !
قللي بس وش صار فينا
وين كل وعودنا !
وين آثار البكى بخدودنا
وين حلفك لي
إذا طاري على الهجران على طاري
ما تصد !
تحكي أعذارك ..
وانا والله مسامح !



ما علينا ..
يمكن العشق القديم يظل فينا
أو يموت إليا بكينا !



المهم .
إنا إنتهينا !
والزمن يضحك
على باقي حكينا !
والوداع اللي دريت إنه نصيبي
يا حبيبي
مو بيدينا !

صح لسان الشاعر وسلمت يدا الكاتب

لك شكري تقديري

صح لسانه......

وشكرا لك اخي ريكاردو كاكا.....

واصل ابداعك

صح لسانك

وسلمت يداك على النقل المميز

كاكا

صح لسان البكر

تقديري

ريكاردو كاكا الله يعطيك العافية على الكلمات الرائعة
انت مبدع دائما
تحياتي وتقديري..

ما علينا ..
يمكن العشق القديم يظل فينا
أو يموت إليا بكينا !
كـ.كـا.ـا
يعطيك الصحه العافيه...قصيده جميله,, لك تحياتي