قالو لي طيب ؟

قالولي طيب قلت ماني بطيب
عطيب و جرحي بين الأضلاع ما طاب

يطيب جرحي لو حبيبي قريّـب
ومقابلين البيت و الباب بالباب

روحي فدى الّي ساكنين الشعيّب
الّي عليهم دمع الأعيان سكاب

قالوا لي العذال أدله و سيّب
عنك المحبه لا تفتح لك أبواب

معقول أبسمع هرجهم في الحبيّب
وان قلت أبسمعهم فأنا أصبحت كذاب

أول على العشاق أضحك و أعيب
واليوم قلبي من هوى صاحبي ذاب

ياربي يالله طالبك لا تخيب
رجاي يا مولاي في أعز الأصحاب

ياربي يالله طالبك لا تخيب
رجاي يا مولاي في أعز الأصحاب

ابيات روووعه وجميله واعجبتني
مميز دوم يافزاع بانتقائاتك
يعطيك العافيه واجمل لايك

الروعة تواجدك هنا تميم
شكراً على مرورك لا عدمتك

كلمات جميله
سلمت يدينك

قناص شكراً على المرور
يسلمو ونورت الطرح

الله عليك

ابيات داعبت الاحساس بعذوبتها

سلم ذوقك ولاهنت

تحاياي..!