قل أحبك .. ولكن مـ الله كاتبك لي ..

مدري متى تعطيني من وقتك شوي
ويحن لي قلبك وتسمح بـ لقياي

مدري متى تشتاق " للميت الحي "
اللي خذاه الحزن وخلا بقاياي ؟

الحال والله في بعادك كما هي . .
آبكي على نفسي وانا خايف الجاي ،

اخاف اشوف الحلم بكره ولا شي
عقبه من اللي يمسح دموع عيناي ؟




محتاج تنساني ومحتاج انساك
ياللي فراقك ساقني لـ انتحاري


ومحتاج تجفاني ومحتاج اجفاك !
ياللي بدونك عفت حتّى دياري


لو في نصيبي خير ما كان خلاّك
مير انحرف بي عن مسارك
......................... مساري


ولو الأمل باقي على باب لقياك
ما شفتني أمسك ورود انكساري

ولو كل ما فيني عن الكون يبغاك
ما لـ الأماني في هوى البال طاري


عبرة عيوني في وداعك تحرّاك
لو شفتها ساقت عليّ احتضاري


ونبرة خفوقي بـ البكا قالت
اهو ا ا ا ا ا ا ك . .
ما جاتني الأقدار حسب اقتداري


ابكي على حالك وانا حالي ابكاك
وتسمع تنهّادي وتهلّ العباري


بالك عليك ...........
....... وشوف دربك ومسراك
وبالي عليك ...........
...... وطول الأياام ساري . .


آسامر طيوفك واسلى بـ ذكراك
وارسم وجودك في خيال انتظاري


عادي حزين وهاك الأفراح ترعاك
وهذا قليل ان قلت لك لـ اعتذاري


شفني أغنّي لـ الصباح الذي جاك
' والله ما كان الفراق اختياري '
والله ما كان الفراق اختياري




اكثر الليل فيني ما يعذْر النعاس
كل ما جيت ابغفى فزّ هاجسْك فيّ


لـ السهر خذ دموعي واعصر الجرح باس
قلّ احبّك . . ولكن مـَ الله كاتبْك ليّ




لـ الشاعر : مروان الزاهد .

كلمات عذبه نقيه تحرك الشجون ويطرب له الشعور
ذوووق يالحريصي
اختيار مميز
سلمت يمناااك ياراعي الذووق داايم

..

ونبرة خفوقي بـ البكا قالت
اهو ا ا ا ا ا ا ك . .
ما جاتني الأقدار حسب اقتداري

ابيات جميلة .. معبرة ومؤثرة
صح لسان قائلها ويسلملنا ناقلها

أحـــٍسآآس جمِيل جدآ تحــملٌه في طياات كلمااتكِ

دــأم نزفً قــلمًك بهــآأذا الأبــدآعًً