عليك السهر ياكم شربنا فناجيله

.'

ما بين الدروب اللي تزعلّك رايح جاي
أشوف الليالي تسرقك.. ما معي حيله

ما عمري شعرت بكسري وجيتك من أقصاي
ولا أحتجت لك كثر أحتياجي لك الليله

أناديك وأعلّق على نبرتك.. رجواي
ويطيح الرجاء وأرجع على شانك أشيله

يا كثر الكلام ولو معي في جروحي راي
ما ضاع الكلام وضاعت أغلى محاصيله

أشوف الخطأ واقول عادي وأنا النّساي
ولي قلب مدري كم طفى من قناديله

هذا عام جاي وعام قفى وأنا وبكاي
عليك السهر ياكم شربنا فناجيله

ولا زلت أحبك وأدري إنك أهم أشياي
وأشوفك أمان كل ما احتجته أجي له

ليا اشتقت لك والأرض راحت قصيد وناي
يا صبر المحب ليا بكى: من مواويله

قصيدة جزلة
والله الابيات كلها جميل
حب صادق
روعة واكثر

قصيده جميله
سلمت يدينك