غمض عيونك وعيب تُبيّن احداقها

الناس ماهُـم مرايا ياقليـل العزوم
تشوف صورتك وتشخص على افاقها

لاتتعب الروح في ظُلم ألبشر ياظلوم
وحذراك تدخـل نواياها ولا اعماقها

ترى التجسس ومدّ الشوف ماله لزوم
غمض عيونك وعيب تُبيّن احداقها

أشغلت نفسك ورى العالم تلف وتحوم
ماأنته مكلف تحاسبها على ارزاقها

تضحك لنا وانت في الواقع ألدّ الخصوم
ترى البشر من سواتك ضاقت أخلاقها

ماعـاد تمشي عليـنا لعبتـك كـل يوم
مكشوف يابايـع ألبيضه وسلاّقها

عقلي دليلي وأميز في الردي والقروم
وعرفت في الناس كاذبها وصدّاقها

وانا تراني ماصاحبت النذل والرخوم
وبعض الاذواق ماتُعجبنـي أذواقها

وانا مع القوم قسمي من خيار ألقسوم
وابقى مع أهل الوفاء ماخنت ميثاقها

أشوم وارفـع مقامـي عن كثير ألعلـوم
والسلعة إللي رخيصة ماأهبط أسواقها

واهل الحسد والنمايم مكثرين التهوم
يالله طلبتك تبشـرنـي على افراقـها

أبو/ خالد

يسعد صباحك استاذ خالد

اشكرك وحييك على ماتكرمة به لنا من عذب الكلام وهذا ليس غريب عليك

انت من شعراء منتدى ال تليد وبالتوفيق حنا بنتظار كل جديدالسموك

وفقك الله تقديري وحترامي

ياهلا وغلا اخي / ملك الشرق

ويسعدك ويسعد كل أوقاتك بالخير والعافيه
والشكر لك أنت لئنك شرفتني بمرورك العاطر
وتعليقك هو الأجمل وألأكمل
اسعدتني اسعدك الله أينما كنت

وانا مع القوم قسمي من خيار ألقسوم
وابقى مع أهل الوفاء ماخنت ميثاقها

كفو وصح لسانك ابوخالد
قصيدك مختلف وله طابع دايم مميز
سلمت يميناك والله يعطيك العافيه

اخي / تميم

كفوك الطيب وماعليك زود
وصح بدنك ياغالي
دائماً تسعدني بمرورك وجمال تعليقك
شكراً لك واسعدك الله أينما كنت

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود