القلب ماله غير لاماك

ما للبكاء و الهـم و الحـزن داعـي =صدّقت مـن قـال المحبـه ولاعـه
وا خذت مدّه يصبح الصبـح واعـي =و العين ما نامت من الليـل ساعـه
عليـك يـا راع العيـون الوساعـي =سبيـت عقلـي بالدلّـع و البراعـه
القلب مالـه غيـر لامـاك راعـي =ارع رعـاك الله عـن كـل راعـه
لاماك ترجـع بالقلـوب الوجاعـي =أنت الطبيـب ولا طبيـب الإشاعـه
مليـح يخشـى مـن كـلامٍ يذاعـي =يظفي على نظـم الجواهـر قناعـه
جـذّاب نهّـاب لـخـده شعـاعـي =أغليه و اثـره فيـه سـر القطاعـه
يلعب بقلبي لعـب صفـرا رباعـي =سمعت طبول الحرب يوم الشجاعـه
يلعب و يلعب لعب و أمره مطاعـي =لعب الرضيع إليا روي من رضاعـه
لو الهـوى عنـد المحـرج يباعـي =بعته مثل حـيّ زهـد بـه و باعـه
بغظك رميته بيـن سبـع السباعـي =و حبك زرعته في ضميري زراعـه
كانك قطوع و عندك السر ضاعـي =رد الوداعـه لا تضيـع الـوداعـه
و إن كان ناسي لك خصيـم يداعـي =إذكـر زمـانٍ فيـه كنـا جمـاعـه
المشتري إليا اشتـرى مـا يراعـي =للي يرعـي مثـل راع البضاعـه
متـى ايهيـا للثنـيـن اجتمـاعـي =و نكسب على شهوات الأنفس طماعه

الشاعر/خلف بن هذال

الاخ ابو عامر
جزل في اختيار القصايد
صح لسان الشاعر
ولاهنت على اختيارك الطيب

اختيار موفق
صح لسان شاعر الوطن خلف بن هذال
وسلمت يداك
ولا عدمنا جديدك

لك مني اوفر الشكر والتقدير

ابوعامر...)

حسن انتقاء ...

وجمال مختلف ...

سلمت .. / وصح لسان قايلها

سديم ....)

ابو عامر..

يعطيك العافيه ..

بآنتظار جديدك ..

أبو عبد الله
ابو فواز
سديم
ريما
شكرا لكم جميعا على الردود الرائعة

وتحـــــــيــــــــــاتي

ابوعامر

تسلـــــم يـــــدكــ ^ ^
عــــلى الطــــــرح الرائـــــع
يعطيك الف عافيه........
ابيات جدا راااااااااائعه......

اميرة يعطيكِ العافية على المرور الجميل
تحياتي