أكذب عليك لجارالله الشدي

أكذب عليك إن قلت يا شوق ما آبيك =وأكذب عليك إن قلت لك مقدر أنساك
عذبتني وأتعبتني من تجآفيك =وأنا الذي سلمت عمري بيمناك
من كثر مآحبك ومن كثر ما أغليك =ومن كثر ما شوق الغلا يالغلا جاك
لا شفت زولك قمت أرحب وأحييك =وأقول يا عزّي على قو فرقاك
من سبتك أخلفت معنى مباديك =وخليت قلبي يطّلع بمر مبداك
صديت عني ليه ؟ مَن ميتٍ فيك ؟=يافاصلٍ من دآخلي عدةٍ أسلاك
أسهر طوال الليل والليل ساريك =وعيني تشوفك تمشي بليل مسراك
لين أختفى زولك وأنا في حراويك =ام إنبلج نور الصبح دون روياك
ما كنّي اللي راح عمره يباريك =والعمر كله راح لبيه .. لباك
وما كنّي اللي عشت درب المهاليك =والدرب عاجز من تعدد خطاياك
واليوم يا سيد الغنادير بوصيك =وأقبل وصية من يحبك ووصاك
ماهوب ودي يابعد روح مغليك =وماهوب سلمي يا جعل روحي فداك
لكن ظروف الوقت والوقت حاديك =يومٍ عليك ويوم يا شوق وياك
صحيح أحبك والمحبه تماشيك =ضامي غلاك ومحرم القلب من ماك
لا غبت عنّك وإستراحة لياليك= فعرف تراني عايش بجو ذكراك
ولو طال صدّي وأختفى زول مغليك =حلل وبحني ياعسى الله يرعاك

ابداع مترف ...

وحروف ...من ذهب ..

ابو عامر ...

قصيده ..في غاية الجمال ..

راقت لي ...

سلمت ..

سديم .....}

سديم شكرا على المرور الرائع
وتحياتي

ابو عامر
يعطيك الف الف عافيه........

ابيات جدا راااااااااائعه......

سلمت يداك عالطرح...

شكرا أميرة على المرور الجميل والرائع
وتحياتي