وعدتك يابــحــر اصبر..وعلى عيني عشر حراس

طلبتك يابحر خذها واغرقها بدون احساس
رميت همومي فموجك..وتكفى لاترجـــعـها

من الحيره وضياع الذات ومايطري من الهوجاس
من الحرمان والاشواق..ومثل ماذقت ذوّقها..

عليك الله تسقيـــهــها..بلاوزن ولا مقياس
كثير البؤس والآلام..امرّ المر شربـــهــا

عليك الله تحرمها لذيذ النوم ..والمجلاس
وشرات اللي سكن قلبي..من الحرمان يسكنها

وشرات اللي ملا صدري وكتم في داخلي أنفاس
وشرات همــومــي المره واحزاني وسبايبها

وعدتك يابحر اصبر..وعلى عيني عشر حرّاس
أزيح الشوك من دربي وتزهر لي جوانــبها

صحيح الدنيا ياقلبي بها من هالبشر اجناس
بها الوافي بها الخوان ومن تشهد فعايلها

بها محروم من خلّه يداري لوعته والباس
يسامر نجمها الساري..ويبكي من هوايلها

ولكن ماشي بدربه..تقول انه ماذاق الكاس
ولو يشكي رفع يده..لرب البيت وخالقها

..

صح لسانك،ــ

لكل...
من مر من هنا...


تحية مغلفة...
بورق الورد...


تعانق...
جمال روحكم العذبة...




/
\

كلمات قمة بالروعه وراقت لي كثير

سلمت يمينك على كل ماسطرتي هنا

تحياتي ..

تسلمين يا الغلا على طلتك المشرقه متصفحي

دائما تخجليني بردودك الراقيه والرائعه

كروعة حضورك العطره

أشكرك كل الشكر

ولك خالص مودتي وحبي

ودمت بخير