ياليت تدري كيف انا صرت شاريك

ياصاحبي ببقى عشانك واداريـك
واكون لك في نظرتك صاحبٍ لـك



وفي نظرتي ببقى احبك واغطيـك
في عيني اللي لاحشـى ماتملـك


احترت انا وشلون علقتنـي فيـك
يعني كذا فجـأه رقيـت بمحلـك


استغرب اني قلت لك حيل باغيـك
مع اني اصلاً مـا أحـب التملـك


اصحى على همسٍ كتبته بأياديـك
واغفى وافز الفجر يازيـن لجلـك


ياليت تغليني كثر مانـي اغليـك
واصير من بـد المخاليـق خلـك


المشكله اني من عرفتك بطاريـك
والله لو إنك غبت يومين لأهلـك


ياليت تدري كيف انا صرت شاريك
شاري رضاك وشاريٍ فيـك كلـك


هامتك حـب سـرى لأمواطيـك
لو أقعده عمري معـك مـا أملـك


ياغايتي من أجل عينك براضيـك
واقول اببقى يالغلا صاحـبٍ لـك

جميلة جدا
اختيار روعة كاروعة تميزك وحضوورك

بصراحة قصيدة جميلة وباين انها كتبت عن موقف حقيقي وليس خيال
سلم الذوق ي راعي الفزعه

ابيات فخمة تنبض بالمشاعر والاحاسيس
سلمت ذائقتك اخي فزاع
تقديري واعجابي

لاهنت

ابيات رائعة
شكرا لك وبارك الله فيك