مجاراه مع الشاعر العبثلي الصهلولي

متعب الريثي
درب الخـــــــــطا يزرع خطا والمضره
خلك مع الاجـــــــــــواد والحظ لافي
واللي مشى له درب ماضمن شره
فاالشوك عرضة كل من كان حافي
العبثلي الصهلولي
ودرب النقا يزرع نقا والمســــــــره
وابعد عن الانذال باالود قــــــــافي
ودرب الـــــــرديه لافي يومن نقره
احذر تقرب صـــــــــوب بابه وكافي
متعب الريثي
العبثلي جـــــاني وجتني المسره
قلنا هلا بك ياالعزيز الســـــــنافي
من قاس قاع البحر خمســين مره
يرجع وقلبه كاالحــــــجر مايخافي
العبثلي الصهلولي
ياجعل شـــــــوفك دايما في مقره
يامتعـــــب اللي باالوفافوق نافي
البحر قد خضته ودليت ســــــــــره
ماعوم باالطوفات باالـــدوم طافي
متعب الريثي
مثلك فهيمن في البحــــــر مايغره
وردكــــــــــــــم ياالعبثلي رد وافي
بك افتخــــــــــر واعتز يوم المضره
لافي ساحة الميدان والعدو لافي
مع تحيات متعب الريثي

صح لسانك انت والشاعر الصهلولي عزالله انكم شعار كفوو وماقصرتو
يعطيك العافيه متعب ع ايراد هذه المحاوره الطيبه وباسلوب راقي وجميل

المشاركة الأصلية كتبت بواسطة تميم

صح لسانك انت والشاعر الصهلولي عزالله انكم شعار كفوو وماقصرتو
يعطيك العافيه متعب ع ايراد هذه المحاوره الطيبه وباسلوب راقي وجميل

اخوي الاستاذ تميم صح بدنك ولاهنت اسعدني مرورك
عساك كل عام في صحه وراحة بال عيدكم مبارك
اخوك متعب الريثي

متعب الريثي: صح لسانك

يعطيك العافيه على هذا الطرح الراقي والجميل.

المشاركة الأصلية كتبت بواسطة أمـــــــــــــيـــــرة

متعب الريثي: صح لسانك

يعطيك العافيه على هذا الطرح الراقي والجميل.

الاخت الاستاذه اميره صح بدنك وشكرا جزيلا
لمرورك وكل شي وكل عام وانتم ان شاء الله
في سعاده وراحة بال تحياتي اخوك
متعب الريثي