شيلة ضاق صدر العسكري معانات عسكرية

لا ضاق صدر العسكري ونّ بسكات
يخاف لا سمعوه ما يرحمونه

جندي ولا عنده تخصص ودورات
يا كبر حملٍ شايلاته متونه

بابو عريش وسكنوه البرتّات
والهندي اللي جابها يشكرونه

يوم العساكر قرروا جمع قطات
واحسابها من جيبهم يدفعونه

وإن كان ياأبن مجير جتكم سلامات
لا عاد طنب خيامكم تكربونه

يا عزتي للي يدور حجوزات
تكفون لامن طار لا تعجلونه

ويا ضابطي متى تفك الاجازات
البعد خلي حالي دوني ودونه

وياصاحبي طولت صرف البدلات
متى على الله شيكنا تصرفونه

وياكثر ما جابوا لنا من قرارات
وياكثر ناسٍ بيننا يرقبونه

وبكرا لخدمتنا ندور شهادات
ونطرد ورا حلمٍ تناحت ضعونه

منقول

وتضل ترسبات العسكريه النفسيه حتى بعد التقاعد...
جنوبي
الله يعطيك العافيه مقطع فيه صور كثيره قد لا يعيها إلا من خدم في الجيش

شيلة مميزة تنقل صورة عن الخدمة العسكرية كم يراها البعض


يعطيك العافية جنوبي

دمت متألقاً

موضوع جميل يمثل معانات وهموم

العسكر وخصوصاً من قدرت لهم ظروفهم ان

يسكنوا الخيام وقاسوا الظروف الصعبة و المعانات مثلتها

تلك الكلمات المعبرة الرائعة والشيلة الجميلة

في سيقها الممتع ومضمونها الجميل

جنوبي

اختيارك اختيار موفق رائع جميل

لك منا التقدر والشكر الجزيل

شيله رااائعه
سلمت يداك جنوبي
ولاعدمنا جديدك
تحياتي